तापाःपिं पासापिं मुनेत पासा गुथिया भिंतुना कालबिल

येँ (सन्ध्या टाइम्स)/झी पासा गुथि कमलाछिं नेसं ११३२ न्हूदँया म्हिचापौ पिथँसे भिंतुना कालबिल व तुच्चा ज्याझ्वः यात। गुथिया नायः गोविन्द नकःमिया सुभापतित्वय् जूगु उगु ज्याझ्वलय् त्वाःया हनेबहःम्ह हरिहरानन्द बैद्य मूपाहां कथं झाःगु खः। ज्याझ्वलय् ग्वसाः खलःया हे काय् म्ह्याय्पिं मध्ये एसएलसी व एमए पास जूपिंत नं हंगु खः। पाहां मोहनबहादुर महर्जनं नेवाः स्वायत्त राज्य व संघीयताया विषयय् न्ववानादीगु दुजः हिरेन्द्र तामाकार नं नुगःखँ प्वंकादीगु खः। त्वालं पिने तापाक च्वनाच्वंपिं पासापिं नापं च्वनाः मुनेगु ताः तयाः थुकथंया ज्याझ्वः न्हूदँ न्ह्यवंनिसें न्ह्याका वयाच्वंगु खः। थुगु संस्थां त्वाःया ज्याथजिथिपिंत सम्मान यायेगु व दँय्दसं तिर्थ यात्रा यंकेगु ज्या नं याना वयाच्वंगु दु ।