न्हय्गां जात्राय् 'लाखे क्वःथैगु'

किपू (सन्ध्या टाइम्स)/न्हय्गां जात्राया लिधंसाय् संस्कृतिविद् डा. सत्यमोहन जोशीं च्वयादीगु पूधाः प्याखं 'लाखे क्वःथैगु' वंगु शनिवाः किपूया नेपालभाषा एकेडेमीइ क्यन। न्हय्गां जात्रालिसे स्वापू दुगु प्याखं जूगुलिं जात्राया लसताय् प्याखं क्यनेगु थःपिनिगु ग्वसाः जूगु खँ प्याखंया निर्देशक शुभशान्ति बज्राचार्यं कनादीगु दु। वय्कलं वइगु पुस ९ गते तक शनिवाःपतिकं क्यनेगु व स्वकुमिपिनिगु माग जुल धाःसा अझ अप्वयेकेगु नं ग्वसाः दुगु जानकारी बियादीगु दु। प्याखनय् किपूया स्थानीय कलाकारतय्सं अभिनय यानादीगु दु ।