अमेरिकापाखें पाकिस्तान समक्ष क्षमायाचना

अमेरिकाया विदेश मन्त्री हिलारी क्लिन्टनं अमेरिकाया सेनापाखें पाकिस्तानया सेनायात याःगु आक्रमणय् लानाः २५म्ह पाकिस्तानया सेना सीगु विषययात कयाः पाकिस्ताननाप क्षमायाचना याःगु दु । अमेरिकाया विदेशमन्त्री क्लिन्टन व रक्षामन्त्री लियोन पनेटां मंकाः विज्ञप्ती पिथनाः सीपिं सेनाया छेँजःप्रति सम्वेदना प्वंकूगु खः । अमेरिकां पाकिस्ताननापया स्वापु महत्वपूर्ण जूगु खँय् बः बिउगु दु ।

अफ्गानिस्तानया सिमा नापसं तैनाथ पाकिस्तानया सेनाया क्याम्पय् नेटो सेनां आक्रमण याःगु इलय् २म्ह अधिकारी सहित २५म्ह सैनिकत सीगु खः । आक्रमणय् लानाः मेपिं छगू दर्जन सैनिकत घाःपाः नं जूगु खः ।

नेटो सेनाया उगु आक्रमण लिपा पाकिस्तानं नेटो सेनानापया राजनीतिक, सैन्य र गुप्तचर ग्वाहालिया विषयसं समिक्षा याइगु जूगु दु ।

More Stories Like this