संविधान निर्माण बारे देय् दबूया अन्तर्क्रिया
येँ(सन्ध्या टाइम्स)/नेवाः देय् दबूया ग्वसालय् संविधान निर्माण प्रक्रियाया विषयय् सभासद् व जनताया दथुइ अन्तर्क्रिया जुल। नेवाः देय् दबूया नायः नरेश ताम्राकारया सभापतित्वय् आइतवाः जूगु उगु ज्याझ्वलय् सभासद्पिं डा. मंगलसिद्धि मानन्धर व तिर्थराम डंगोलपिं उपस्थित जुयादीगु खः। अथे हे ज्याझ्वलय् उपस्थित जूपिं स्थानीय बासिन्दां न्यंगु थीथी न्ह्यसःया लिसः नं वय्कः सभासद्पिंसं बियादीगु खः।
संविधान निर्माणया प्रक्रिया न्ह्यानाच्वंगु इलय् जनताया दथुइ थुकथं अन्तर्क्रिया यायेगु ज्या दबूपाखें छुं ई न्ह्यवंनिसें जुयाच्वंगु खःसां आइतवाः जूगु उगु ज्याझ्वः दबूया ग्वसालय् जूगु गुक्वःगु खः। येँ क्षेत्र नं ७ लेखनाथ सदन सोह्रखुट्टेय् जूगु उगु ज्याझ्वलय् नेवाः देय् दबू येँ जिल्ला कमिटीया नायः न्हुच्छे महर्जनं लसकुस यानादीगु खः।
