म्याद थप यायेत थौं दलतय् बैठक
येँ(सन्ध्या टाइम्स)/संविधानसभाया म्याद थप यायेगु विषययात कयाः थौं प्रमुख स्वंगू राजनीतिक दल व मधेसी मोर्चाया शीर्ष नेतातय्गु दथुइ बैठक च्वनेत्यंगु दु। सरकारं आः अन्तिम पटक संविधानसभाया म्याद खुला तक थप यायेगु धकाः संसदय् प्रस्ताव तकं दर्ता याना तयेधुंकूगु दुसा कांग्रेस व एमालें धाःसा उकियात स्वीकार यानाच्वंगु मदुनि।
कांग्रेसं संविधानसभाया म्याद थप याये न्ह्यः हे कांग्रेस नेतृत्वय् सरकार दयेकेमाः धयाच्वंगु दुसा एमालें राष्ट्रिय सहमतिया सरकारया खँ ल्ह्वनाच्वंगु दु। उखे एकीकृत माओवादीया हे असन्तुष्ट नेता मोहन बैद्य किरण पक्षधरंनेतातय्सं धाःसा सरकारया आलोचना याना वयाच्वंगु दु। वइगु १४ गते संविधासभाया म्याद फुइत्यंगु दुसा संविधान संशोधन यानाः म्याद थप यायेत धाःसा दुई तिहाई बहुमत माःगुलिं सरकारयात नेपाली कांग्रेस व एमालेया समर्थन आवश्यक जुयाच्वंगु खः।
