विशेष समितिया दुजःत अनुगमनय् ब्यस्त
येँ(सन्ध्या टाइम्स)/सेना समायोजन विशेष समितिया दुजःत माओवादी लडाकुया पुनर्वर्गीकरण प्रक्रियाया अनुगमनय् ब्यस्त जुयाच्वंगु दु। समितिया दुजःतय्सं थौं सुथय् नवलपरासीया झ्याल्टुङ डाँडाय् च्वंगु शिविरय् अनुगमन याःगु खः।
अनुगमन पुचलय् डा. रामशरण महत, डा. मिनेन्द्र रिजाल, भीम रावल व जितेन्द्र देवपिं दुथ्याः। म्हिगः तकया दुने न्हय्गुलिं शिविरय् यानाः ७,१२६ म्ह लडाकुया वर्गीकरण ज्या क्वचायेधुंकूगु दु।
