नेवा: प्रदेश तापा: मजू
नेवा: राज्य स्थापनाया नितिं नेवा:तय्सं दँदँ न्ह्य:निसें गुगु संघर्ष यानावयाच्वंगु ख: । आ: व झीगु न्ह्य:नेस थ्यंगु दु । राज्य पुनर्संरचना समितिं झिंप्यंगू प्रदेश निर्माणया नितिं प्रस्तावित यायेवं नेवा: प्रदेश वंगु ख: । तर थ्व प्रदेशया विभाजनयात कया: आदिवासीतय्गु हक अधिकार हनन यायेत स्वयाच्वंपिं छथ्वस्यां १४ प्रदेशया खाका मिले मजूगु व १४ गू प्रदेश अप्व: जूगु व जातया नामं प्रदेशया नां तयेमज्यूगु लिसेलिसें थीथी विवाद हयेवं राज्य पुनर्संरचना समितिं पित ब्यूगु १४ प्रदेश खतराय् लात व थथे लाकेगु ज्या जू वन ।
थ्वया लिपा अन्तरिम सावधानय् व्यवस्था जूकथं आयोग दयेकेगु लिसें विज्ञ समूह दयेकेगु तकया चर्चा परिचर्चा बहस विवाद जुजुं वन । अन्तत: प्रदेश निर्माण्ाया सवालय् कया: राज्य पुनर्संरचना आयोग गठन यायेगु निर्णय जूगु थासय् सहमति जुल । आ: उगु आयोगया नाय: सुयात यायेगु धइगु खँय् छलफल जुयाच्वंगु दु । आयोगया गठन अले थ्व विषययात कया: उलिथ्यंक चर्चा व परिचर्चा जुयाच्वंगु मू हुनिं सत्रियता विरोधीतय्गु चलखेल ख: थ्व खँयात थुइकेमा: ।
तर थ्व पालय् सत्रियता विरोधी जातीय आधारय् न्ह्याक्व हे षडयन्त्र यायेत स्व:सां सफल थ्यंक जुइगु स्थिति मदु ।आदिवासी जनजातितय्सं थ्व पालय् थ:गु अधिकारया नितिं अन्तिम आन्दोलनकथं कयाच्वंगु दुसा स्थायी शान्तिया नितिं नं जनजातितय्गु माग सम्बोधन यायेमा: धका: शीर्ष नेतातय्त थीथी दवाव मूलक ज्याझ्व: याना: ध्यानाकर्ष्ण यानाच्वंगु दु । नेवा: प्रदेशया सवालय् आ:तक पिदनाच्वंगु चर्चापरिचर्चाकथं दकलय् त:धंगु दल एकीक ृत नेकपा माओवादी प्रदेशयात म्हो यायेगु नामय् आठ प्रदेश व सात प्रदेश मयासे १० प्रदेश दयेका: नेवा: प्रदेश दुगु व्यवस्था यायेगु रणनीति दयेकाच्वंगु दु । एमाले धा:सा पहिचानसिबें सामर्थ्यताय् अप्व: ब: बियाच्वंगु दुसा कांग्रेसं प्रदेशया ल्या: अप्व: जूगुलिं न्हय्गू जक प्रदेश दयेकेमा:गु अडान कयाच्वंगु दु । अथे खया: नं नेवा:तय्सं आ:तक या:गु आन्दोलन व थ्व जातिया शक्ति व पहिचानयात अन्तत: कांग्रेसं नं अवमूल्यन याये मफइगु स्थिति दुगुलिं न्हूगु संविधानय् नेवा: प्रदेश वइगु विश्वास झीसं यायेफु ।
News Location:
More Stories Like this
पहिचानसहितया संघियताय् नेतातय्गु ग्याचिकु दरवार हत्याकाण्डय् ‘रअ’ मखु ‘सिआईए’ नाय: हँ कोइराला सरकार न ख्येँय् चाल न हँय्या चाल निर्वाचनया निष्पक्षताय् ब्वलंगु न्ह्यस: अधिवेशनं ब्यूगु सन्देश
