कब्जा जग्गा लित बीगु ज्या: माओवादीया प्रतिगमन
संविधान सभाया राज्यपुर्नसंरचना व राज्य शक्तिया बाँडफाँड समितिं पारित प्रस्ताव दयेकदयेकं राज्य पुनर्संरचना आयोग दयेकेगु ज्यायात माओवादीया प्रतिगमन धका: धायेमा:गु दु । थ्वहे खँ जुयाच्वंगु इलय् कब्जा जग्गा लित बीत माओवादीया संस्थापन पक्ष हे न्ह्यचिला जूगु खँ नं माओवादी पार्टी न्हापा थ:पिं न्ह्यानाच्वंगु लँपुं ल्यूनेपाखे लिहाँ वयाच्वंगु जक मदु ला धका: धइगु न्ह्यस: संगीन रुपं ब्वलंकाव्यूगु दु । जमिन धइगु प्रकृतिं सितिक सिर्जना या:गु छगू प्राकृतिक स्रोत ख:, गुकियात मनूतसें बसोवास व जीवन म्वायेत मदयेक मगा:गु नसा पिथनेत उपयोग याना वयाच्वन । सामन्ती व्यवस्थाय् वया: जमिन भुमिपतितय्गु ल्हा:तय् वन व सर्वसाधारण्ा भूदास जू वन । पूँजीवादी व्यवस्था नं थुकियात कायम हे याना: न्ह्यात । थुकियात हीकेगु ज्याय् पँुजिवाद दुने हे 'जमिन सुयागु ? जोते यार्इम्हेसिगु' धइगु नारा व:सां आमूल रुपं हीकेगु ज्या मजू, सुधारवादी पहलं छुं छुं ज्या जुल । नेपालय् विर्ता उन्मुलन, भुमिसुधार एेन आदिमाफत पञ्चायतं नं ख:थे मखुसां बुँज्या याइपिन्त अधिकारबीत स्वत । तर नेपालय् भुमि समस्या मज्यं । थुगु अवस्थाय् माओवादी जनयुद्ध न्ह्याये धंुका: भुमिपतितय्गु भुमि कव्जा याना: उब्जनी नयेगु ज्या माओवादी पार्टीया पाखें हे जुल धा:सा गुलिखय् थासय् पार्टीया प्रत्यक्ष्ँ कार्यक्रम मदुसां माओवादी समर्थकत मिले जुया: नं थ्व ज्या जुल । भुमिपति आपालं कांग्रेसया समर्थकत दु । अथे जूगुलिं थ्व ज्या कांग्रेस नेत ृत्वयात आपालं दवाव लात । इमिसं थ्व सवालयात प्रमुख मुद्दा हे दयेका च्वंगु हुनिं नं थ्वहे ख: । थुकिं हे नेपाली कांग्रेसया वर्गीयतायात उजागर याना: क्यनाविल । तर आ: वया: माओवादी पार्टीं न्हय्गु बुँदाया सम्झौताय् अपांग लडाकुतय्गु सवालय् छंु दुथ्याकेमफुगु तर कब्जाय् कयात:गु छेँबु लित बीगु खँ सम्झौताय् दुथ्यांकूगु जक मखसें थ:पिं हे जग्गा लित बीकेगु ज्याय् न्ह्यचिला जुल । थुकिं माओवादी पार्टी दुने हे क्वय्थ्यंक त:धंक कचवं व:गु दु । माओवादी, कांग्रेस व एमाले बर्दिया जिल्लानिसें जग्ग्ाा फिर्ताया अभियानय् नाय: प्रचण्डया हे तच्व:गु विरोध कार्यकर्तापिसं हे 'सामन्तीया दलाल' धका: åप बिल । अले हानं माओवादीया संस्थापन पक्ष्ां हे दादागीरी क्यना: विरोधय् व:म्ह वैद्य पक्ष्ँधर छम्ह कार्यकर्तायात घा:पा: यानाविल । कांग्रेसी नेता विनयध्वज चन्दया अध्यक्ष्ँताय् नीस्वगु छगू कार्यदलं पिथनात:गु तथ्यांक कथं देय् न्यकं ६०५० गू परिवारया छेँ जग्गा कब्जाय् लानाच्वंगु दु । अन्तत: बर्दियाय् माओवादीया पुष्पकमल दाहाल 'प्रचण्ड' कांग्रेसया क ृष्ण्ाप्रसाद सिटौला, एमालेया बामदेव गौतमपिं वना: नं थ्व ज्या न्ह्याकेमफुत । माओवादी पार्टीया केन्द्र जिल्लास्तरया न्हापा हे तंु निदर्ेशन छ्वयात:गु जूसां अन वंपिं नेतातसें जिविसया हलय् अन्तकिर््रया याना: लिहां वयेमा:गु अवस्था वल । आ: थ्व छेँबुँ लित बीगु अभियान हे शान्ति प्रकि्रयायात त:धंगु हाथ्या जूगु दु ।
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
