राष्ट्रपति यादव पुलांगु सत्ताया ठेकेदार
राज्यपुर्नसंरचना सवालय् न्ह्याक्व हे ष्ाडयन्त्र यायेगु दाउ म्हिताच्वंगु जूसां राजनीतिक दलया नेतातसें पुलांगु एकात्मक शासन व्यवस्था देय्या हे अग्रगतियात पंग: त:गु व संघीयता नेपा:या आवश्यक्ता जूगु खँ नवाना ज्यूगु दु । जनजातीतसें यानाच्वंगु आन्दोलन गुगुं कथं नेपा:या राष्टि्रयता व अखण्डताय् घा: लाइगु वा कमजोर जुइगु खंकाच्वंगु मदु, तर राष्ट्रपति रामवरण्ा यादवं धा:सा उकथं प्वकांदिल । राज्यपुर्नसंरचनाया सवालय् विज्ञतय्गु पुच: दयेकेगु धका: प्यंगू दलया दथुइ सहमति जूगु तर संविधानय् राज्यपुर्नसंरचना आयोग दयेकेगु धका: धयात:गु जूगुलिं थुकिं संवैधानिक समस्या वइ धका: संविधान संशोधन यायेत सरकारं नेपा:या अन्तरिम संविधान, २०६३ स संशोधन यायेगु प्रस्ताव न्ह्यब्व:गु ख: । तर जनजातिपिसं थुकी आपत्ति पिथना: विज्ञ पुच: दयेके हे मज्यू, दयेकेगु ख:सा प्राविधिक बाहेक मेगु अधिकार वी हे मज्यू धइगु खँ तल । अन्तत: थ्वहे खँय् निर्ण्ाय याना: जनजाति नं नेता जुयाच्वपिं राजनीतिक दलया नेतात प्रधानमन्त्रीयात थथे हे याना: जक विज्ञ पुच: दयेकि, मखुसा मान्य जुइमखु धा: वन । प्रधानमन्त्री छिकिपिनिगु थ्वहे निर्ण्ाय ख: मखुला धका: धाल । जनजाति नेतातसें 'ख:' धका: अडान काल । वयांल्यू भट्टरार्इ नं अथेहे ख:सा जिं संविधान संशोधन प्रस्ताव हे लित कायेगु जुल छिकपिं झासँ धया: उघि्रमय संविधान संशोधन प्रस्ताव लित कायेत मन्त्रिपरिष्ादया मुँज्या स:तके ब्यूगु ख: । थुलि जक मखु, थ:म्हं त:गु प्रस्ताव लित कायेमाल धइथे मुँज्या स:ता: ३ न्हुया दुने संविधानय् व्यवस्था जुयाच्वंकथंया राज्यपुर्नसंरचना आयोग दयेकेगु धइगु निर्ण्ाय नं यात । थुकिं विज्ञ पुच: दयेकेगु धइगु कुत: असफल जुया: जनजातितसें छगू मोर्चाय् त्याकुगु जूसां हानं आयोग हे दयेकेगु धका: ष्ाडयन्त्रकारी पुच:पाखें अझ बल्ला:गु मोर्चा खडा याये त्यन । तर मोर्चाया छगू घटक जुया: वंम्ह उपप्रधान व ग ृहमन्त्री विजयकुमार गच्छेदार विरुद्ध मधेशवादीत हे असन्तुष्ट जुल व मेगु विद्रोह यायेगु धका: ख्याच्व: विल । थुकिं राज्यपुर्नसंरचना सवालय् न्ह्य:ने वयाच्वंगु मुद्धायात उमित व्यवस्थापन याना: थ्यंकेगु ज्याय् नेपा:या नेतातय्गु असफलता खनेदत । वास्ता यानात:गु राज्यपुनर्संरचना सवाल आ: मुख्य मुद्धाया रुपय् खनेदु । थ्वहे इलय् जनजाति व झी नेवा:तसे नं एकता प्रर्दशन यायेमा:गु दु । थ्वहे इलय् थुज्व:गु हे धक्का न:गुलिं हे राष्ट्रपति भाजु राजनीतिक दलया नेतातय्त स:ता स्वां पुइगु ज्या या:गु ख:, वय्कल जातीय आधारं संघीयताय् वन धा:सा राष्टि्रय अखण्डताय् असरलार्इ धका: थुज्व:गु हौवाया भरय् जातिय अधिकारयात कुण्ठित यायेत स्वत: धा:सा थुकिं धात्थेें हे खतरा ब्वलनेफु ।
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
