७ गू बुँदा लिपा åन्åया खतरा
वंगु भाद्र २५ गते नेपा:या प्यंगु मू दलया दथुइ जूगु ७ गू बूँदाया सम्झौता राष्टि्रय अन्तराष्टि्रय जगतय् नेपालय् आ: शान्ति प्रकि्रया क्वचाया: स्थायित्व वइगु जुल धइगु व्यापक सन्देश वन । थ्वहे सन्देश लिसेलिसें व्यापारी क्षेत्र उत्साहित जुया: शेयरया भा: थहां वंगु जक मखसें पर्यटकतय् ल्या: नं अप्व: खनेदत । तर थ्व न्हय्गु बुँदे सम्झौता सकसितं आशाया ज: व्हलाव्यूगु जूसां नेपा:या åन्å व åन्åलिपा तरल, अस्थिर अवस्था पाखें हे लव: कयाच्वंपिन्त थुकिं मछिं्रका व्यूगु नं जुयाच्वन । उकिं याना: थुकी अनेकतनेक खँ पिथना: हानं न्हय्गू बुँदाया खिप: चफ्फुना: सुचुकेगु षडयन्त्र नं जुयाच्वंगु खनेदु । विशेष याना: हानं थीथी इश्यू व विषयवस्तुइ छथी छगू व मेगु पक्ष्ाय् कित्ताकाट यायेगु व उत्तेजना तच्वयेकेगु ज्या थ्व खनेदुगु दु । थुकिं दक्कय् त:धंगु मामलाया रुपय् माओवादी सभासद् बालकृष्ण ढुंगेलया इश्यू हे खनेदुगु दु । आ:तक थ्यंबलय् बालकृष्ण ढुंगेलया मुद्धा व्यक्तिगत ख: वा राजनीतिक ख: धइगु सवाल हे प्रमुख रुपं खनेदुगु दु । छथीसिनं थुकियात व्यक्तिगत ख: धका: न्ह्य:ने यंकाच्वंगु दु धा:सा मेथीसिनं थ्व जनयुद्धया झ्वलय् जूगु 'सफाया' जूगुलिं शान्ति सम्झौताकथं हे सरकारं मुद्धा लित कायेमा:गु ख:, तर अदालतं नं फैसला जुइधुंकूगु स्थिति जूगुलिं ल्यं दनिगु अन्तिम उपाय छ्यला: राष्ट्रपतिपाखे माफी बीकेगु प्रकि्रयाय् वनेमा:गु ख: धर्इपिं नं पिहां व:गु दु ।
न्हापाला न्हापांगु खँ जक प्रचार जुयाच्वंगुलि लिपा वना: माओवादी पक्ष नं थ:गु प्रचारयात तीव्र या:गु दु । थुकिं 'माफी बी मज्यू' धइगु व 'माफी बीगु सिफारिस' पाय्छि जू धइगु दथुर्इ कित्ताकाटया स्थिति ब्वलना व:गु दु धा:सा मसाल जुलुस प्रदर्शन थुज्व:गु ज्याझ्वलं थुकियात तच्वयेकत जक ग्वाहालि जूवंगु दु ।थ्वला द हे दु, मेगु हानं कब्जा जुयाच्वंगु जग्गा लित बीगु खँय् नं बुलुहुँ कचवं सुरु जूगु दु । छथ्व: माओवादी दुने हे कब्जा जग्गा दु धा:सा मेखे कांग्रेस नेता अजर्ुन नरसिंह केसी मेगु सवालय् कांग्रेस लचकता नालाका:सा थ्व सवालय् भचा हे लचक जुइफइमफु धका: नवाये धुंकूगु दु ।
मेखे लडाकुया पुनवर्गीकरणया सवालय् नं वैद्य पक्षया नं असर लाकीमखु धाधां छु छु असर खनेदये धुंकूगु दु धा:सा मेखे शैक्षिक योग्यता थुज्व:गु हुनिं नं फिल्डय् समस्या पिहां वइगु खनेदयाव:गु दु । थथे हे जुया: खर्इ नेतातसें ढुंगेलया मुद्धा लित मका: सा शान्ति प्रकि्रया हे अवरुद्ध जुइ धका: हाला जूगु । आ: लडाकू वर्गीकरण्ाया ज्या धमाधम न्ह्यानाच्वंगु दु, उकी दक्कय् आपा: ला समायोजनय् वनेत चाहे जूपिं हे आपा: जुल । प्यंगू दलया सहमतिइ ६५०० म्ह मनूत जक सेनाय् समायोजित जुइगु धा:गुलिं सुयात तयेगु व सुयात मतयेगु धइगु समस्या पिदनी । थुकिया नितिं व्यक्तिगत मापदण्ड धका: धा:गु दु, थुगु मापदण्डय् सु सु लाइ वा मलाइ थ्व नं समस्या हे तिनि । लडाकू वर्गीकरण्ाय् ला मुख्य समस्या वइगु ला ल्यं हे दनि, तर जग्गा लितबीगु, ज्याय् आ:हे समस्या पिदने धुंकल । वैकल्पिक व्यवस्था मजुइक जग्गा लित बीगु ज्या जुइफइमखु, धका: तच्व:गु विरोध जुल । जग्गा लित बीगु ज्याया शुभारम्भ यो धका: वंपिं माओवादी नाय: प्रचण्ड, कांग्रेस महामन्त्री कृष्ण सिटौला व एमाले उपाध्यक्ष वामदेव गौतमं गोलमटोल भाषण याना: लिहाँ वल । जग्गा लित बीगु ज्यायात स्थानीय दलतय्त बिया थकीगु ज्या याना थकल । विशेष्ात: लडाकू पुनर्वर्गीकरण व जग्गा लित बीगु धका: नेतात जूगु हुनिं हल्ला चाहिँ म्हो जूगु दु । ज्या मदु, हल्ला अप्व:, ज्या वल हल्ला अथें वन धइथें जूगु दु । तर ज्या यायेवं हानं लडाख सुरु मजुइ धका: धाये थाकु । आ: मंसिर १४ न्ह्य:ने वयाच्वंगु दु । थ्व धइगु भदौ १४ गते थप या:गु संविधानसभाया म्याद पूवनीगु न्हि ख: । सरकारं संविधानसभाया म्याद हानं खुला तनेगु नितिं प्रस्ताव दर्ता याये धुंकूगु दु ।
थ्वहे इलय् कचवं सुरु जुइफु । तर 'दुने दुनें' खँ मिले जुल धा:सा कचवं मव:से न्ह्याये नं फु । सी दु कथं निश्चित इलय् दुने ज्या सिमध:तलेया नितिं थ्वहे सरकार न्ह्याकेगु व वयांल्यू संविधान जारी याना: संसदीय चुनावय् वनेत धा:सा कांग्रेसया नेत ृत्वय् सरकार दयेकीगु योजना तय जुयाच्वंगु खनेदु । तर गडबड याना: योजना फाता पुइका: लव: कायेत स्वइपिं नं उतिकं सकि्रय जुयाच्वंगु दु ।
News Location:
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
