नेवा: जागरणया तुच्चा ज्याझ्व:
न्हूदँ नेपाल संवत् ११३२ या लसताय् नेवा: जागरण मञ्चं वंगु शुक्रवा: येँया खुसिबुँ जोगिंपाखाय् च्वंगु नेपा: ब्याङ्क्वेटय् छगू तुच्चा ज्याझ्व: या:गु दु । मञ्चया संयोजक सुजीव बज्राचार्यया सभापतित्वय् जूगु ज्याझ्वलय् नेवा: स्वायत्त राज्य मंका: संघर्ष समितिया सचिवालय कजि मल्ल के. सुन्दर, नेवा: न्ह्यलुवा लक्ष्मण राजवंशीपिसं न्ववानादीगु ख: ।
ज्याझ्वलय् नेपालभाषा मंका: खल:या नाय: पद्मरत्न तुलाधरयालिसें हनेबह:पिं व्यक्तित्व उपस्थित जूगु ख: । ज्याझ्वलय् नेपालभाषा व नेवा: आन्दोलन ख्य:या हनेबह:पिं व्यक्तिपिनिगु उपस्थिति दुगु ख: । न्हूदँया लसताय् मञ्चं थ:गु स्थापनाया इलंनिसें हे दँय्दसं थुकथं तुच्चा ज्याझ्व: यानावयाच्वंगु ख: ।
थुकथं हे नेवा: संगीत नाइट ज्याझ्व: यानावयाच्वंगु ख: । थुगुसी नं विशेषकथं नेवा: संगीत नाइट ज्याझ्व: यायेगु ग्वसा: मञ्चं यानाच्वंगु नं सी दुगु दु । पुष महिनाय् विशेषकथं यायेत्यंगु संगीत नाइट ज्याझ्वलय् नेवा: गायकतय्गु नेवा: म्येया प्रस्तुतियालिसें संगीत नाइट ज्याझ्वलय् नसात्वँसाया स्टल नं तयेगु तयारी यानाच्वंगु दु ।
News Location:
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
