बासुया 'छ हे जिगु जीवन'
नेपालभाषा संकिपाय् यक्व संकिपा पितहयादीम्ह च्वमि/निर्देशक कथं म्हसीका बीत ता:ला:म्ह बासु शाहीया न्हूगु संकिपा 'छ हे जिगु जीवन'या सुटिङ याकनं हे न्ह्याये त्यंगु दु । वंगु कौलाथ्व चौथी खुन्हु यल लगंख्य:या दिपावली पुस्तकालय छगू ज्याझ्व: यासें भिं साइत या:गु थुगु संकिपाय् लोकंह्वा:मह कलाकार मदनदास श्रेष्ठ नापं श्यामसुन्दर शिल्पकार, नरेश सिंह, रेश्मी महर्जन, अनर्ेश्वरी शिल्पकार, धर्मराज शिल्पकार, राजेन्द्र महर्जन, अनुज डंगोल आदि कलाकारपिसं थीथी भूमिका म्हितादीगु जूगु दु ।
थुगु संकिपाया छायांकन व सम्पादन सोहन मानन्धरं यानादी धा:सा åन्å निर्देशन अशोक खड्कां यानादीगु जूगु दु । संकिपा भिं साइत धुनेवं हे सुटिङ जुइ धयात:गु थुगु संकिपाया पि्रपोडक्सनया ज्याय् भचा यक्व र्इ का:गुलिं सुटिङ लिज्या:गु खँनिर्देशक बासु शाही नं कनादीगु दु ।
अथेहे बासु शाहीया पुलां बाखनय् आधारित संकिपा 'तानाज्य:' क्वचा:गु खँ धा:गु दु । सविन शाक्यया मू भूमिका दुगु 'तानाज्य:' छम्ह पाक:म्ह ल्याय्म्हया बाखं ख: । थुगु संकिपाय् सविन शाक्य नापं हरिमान दिवाकर, श्यामसुन्दर शिल्पकार, अनर्ेश्वरी शिल्पकार, जस्मिन श्रेष्ठ, नरेश सिंह आदि कलाकारपिसं थीथी भूमिका म्हितादीगु दु । तानाज्य:या सुटिङ स्वनिग: पिनेया पुलांगु नेवा: बजार बन्दिपुरय् नं जूगु ख: । खय्तला निर्देशक बासु शाहीया संकिपायात औसत स्तरया रुपय् जक नं कायेगु या: । थुकिया मू हुनिं लाय् नं जूगु खँ सी दु । वय्क:या लोकंह्वा:गु संकिपा ग्वंग:क्वस: ख: । प्राविधिक रुपं उलि स्यल्ला धायेथाये मदुसां थुकिं बांला:गु बनेज्या या:गु ख: । लिपांगु इलय् बासु शाही निर्देशन यानादीगु 'तानाज्य:' न्हापाया संकिपाया स्तर स्वयां बांलाइगु आशा कयात:गु दु । अथेहे सुटिङ न्ह्यायेत्यंगु संकिपा 'छ हे जिगु जीवन'य् वरिष्ठ कलाकार मदनदास श्रेष्ठयात म्हितकेत राजी यानादी धुंकूगु दु । थुकिया नितिं स्कि्रप्टंनिसें मेमेगु खँया तयारीया नितिं वय्कलं छुं र्इ कयादीगु ख: ।
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
