माइकल लन्र्स टु रकया कन्सर्ट व नेपा:या गौरव !
वंगु शनिवा: विश्वया लोकंह्वा:गु सांगीतिक पुच: माइकल लन्र्स टु रकं येँया तिन्ख्यलय् छगू त:जिगु कन्सर्ट यात । स्लो रक पप म्येया नितिं तसकं लोकंह्वा:गु थुगु ब्याण्डं थ:पिनि ज्याझ्वलय् नेपा: थ:पिनि म्हगस देय् जूगु अले थन कन्सर्ट क्यने दया: तसकं लय्ता:गु खँ कंसे गायक जस्त रिचरं नेपा: व नेपा:मितय्त अभिवादन या:गु ख: ।
न्याå:म्ह स्वकुमितय् दथुइ जूगु कन्सर्टय् न्हापांखुसि 'ओन्ली लभ' म्ये हाला: न्यंकूगु ख: । स्वनिग:या चिकुयात थुगु कन्सर्टं यक्व हे क्वाकाब्यूगु ख: । अथेहे थुगु ब्याण्डं थ:पिनि न्हूगु म्हे छपुया म्यूजिक भिडियोया सुटिङ नेपा:या कन्सर्टं हे न्ह्याकेगु घोषणा यायेवं स्वकुमि न्यनामिपिं तसकं लय्ता:गु ख: । 'एनी वे यु वान्ट' नामं थुगु म्येया म्यूजिक भिडियोया सुटिङ येँया दरवार स्क्वायर नापं स्वनिग: पिने नं सुटिङ जुइगु खँ उगु ब्याण्डं धा:गु ख: ।
वंगु पेmब्रुअरी स विश्वप्रसिद्ध गायक ब्रायन एडम्सं नेपालय् न्हापांखुसि कन्सर्ट याना: छगू लहर हयाब्यूगु ख: । आ: एमएलटीआर व:गु दु । थ्व निगुलिं कन्सर्टं नेपा:या छवि विश्वय् बांलाक ब्वयेत ता:ला:गु खनेदु । खय्तला थज्या:गु पश्चिमेली संगीतया ल्यूल्यू जक च्वसा न्ह्याकेबलय् थ:पिनि संस्कृति विरोधी धका: नं खँ वयेफु तर खँ उकथं मखु, थज्या:गु विश्वस्तरया सांगीतिक पुच: नेपा: वया: कन्सर्ट क्यनीगु धैगु नेपा: देय्या विज्ञापन नं ख: । थुकिं नेपा:या साख नापं प्रतिष्ठा नं उप्वयेकीगु ज्या याइ । नेपालय् पर्यटन व्यापार तसकं महत्वपूर्णगु व्यवसाय ख: । थज्या:गु अन्तर्राष्टि्रय स्तरया कन्सर्टं नेपा:या पर्यटन व्यवसाययात नं थकायेगु ज्या याये फइगु यक्व सम्भावना दु । झीगु थ:गु कला संस्कृति विदेशीतय्त क्यनेगु ला द हे दु । थ्व मौलिकतायात झीसं रक्षा याना: विकास याना वनेमा: । तर झी संकुचित जुया: थ:गु हे संस्कृतियात जक कयेच्याना नं च्वने मज्यू उकिं थ:गु कला संस्कृति विश्वय् म्हसिकेगु नितिं नं विश्वप्रसिद्ध सांगीतिक पुच:या आगमणयात झीसं स्वीकार यायेमा: ।
News Location:
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
