ज्यापू दिवस हनेत मूल समारोह समिति नीस्वन

च्याक्वःगु राष्ट्रिय ज्यापु दिवस वइगु मंसिर २४ गते थँहितिसं च्वंगु क्वाःबहालय् हनीगु जूगु दु । ज्यापु संस्कृति विकास कोषं उगु दिवस हनेत क्वाः बहाःया नाइके धर्मनारायण महर्जनया संयोजकत्वय् न्यासः व छम्ह दुजः दुगु मूल समारोह समिति नीस्वंगु दु । दिवस हनेगु निंतीं येँय् दुगु थीथी खुइस्वंगू त्वाःया ब्वति दुगु व प्रत्येक दँ ब्यागलं ब्यागलं त्वालय् उगु दिवस हनीगु कोषया नायः चक्रमान डंगोलं धयादिल । मंसिर १० गतेनिसें दिवसलिसे सम्बन्धित सुकुन्दा र्‍याली, वक्तित्व कला, समाजसेवीयात सम्मान, स्वरोजगार सम्बन्धी ल्याय्म्ह ल्यासेतय्त व्यावसायिक तालिम, वृक्षारोपण लगायतया थीथी ज्याझ्वः यायेगु नं क्वःछिउगु दु ।

More Stories Like this