नेपालभाषा पाठ्यक्रम सम्बन्धी सहलह ज्याझ्वः

नेपालभाषायात नं सरकारया पाठ्यक्रमय् गु कथं दुथ्याकाः यंकेगु धइगु विषयलयस छगू सहलह ज्याझ्वः जुल । नेवाः देय् दबूया ग्वासालय् जूगु ज्याझ्वलं पाठ्यक्रमय् राष्ट्रभाषा वा मातृभाषायात अनिवार्य विषय कथं तयेमाःगु निणर्य याःगु दु ।

नेवाः देय् दबूया नायः नरेश ताम्राकारया सभापतित्वय् जूगु ज्याझ्वलय् पाठ्यक्रमय् राष्ट्रभाषा वा मातृभाषायात अनिवार्य विषय कथं दुथ्याकेत छगू अवधारणा पौ दयेकेत विष्णु चित्रकार व दिपक तुलाधरयात भालाः बिउगु दु । लिसें पाठ्यक्रम विकास समितिइ पाठ्यक्रमय् थीथी राष्ट्रभाषायात थाय् बिइमाःगु माग यासें छगू प्रतिनिधिमण्डल वनाः ज्ञापन पत्र बिइगु निर्णय नं याःगु दु ।

नेपाल सरकारया पाठ्यक्रम विकास समितिपाखें छ्यलाबुलाय् हयेधुंकूगु व छ्यलाबुलाय् हयेत न्ह्यब्वःगु पाठ्यक्रमय् नेपालभाषायात थाय् गुकथं दयेमाः धइगु विषयलय् भाषिक अगुवातय्सं थःथःगु बिचाः प्वंकूगु खः । सहलह ज्याझ्वलय् मल्ल के. सुन्दर, प्रेम शान्ति तुलाधर, डा. महेशमान श्रेष्ठ, कृष्णभक्त मानन्धर, डा. चुनदा बज्राचार्य, देवदास मानन्धर लगायतया ब्वति दुगु खः ।

More Stories Like this