दुर्घटनाय् छम्ह सित, प्यम्ह गम्भीर

येँ (सन्ध्या टाइम्स)/महेन्द्र राजमार्ग अन्तर्गत नवलपरासीया अरुण खुसिया जंगलय् यात्रुबाहक बस फातापुलाः नां सीके मफुनिम्ह छम्ह मिसा सीगु दुसा मेपिं प्यम्ह गम्भीर घाःपाः जूगु दु। घाःपाः जूपिंत भरतपुर अस्पतालय् यंकूगु दु। ट्राफिक प्रहरी नवलपरासीं बिउगु जानकारी कथं बुटवलं नारायणगढपाखे वनाच्वंगु लु. १ ख ३६५८ नम्बरया बस थौं सुथय् साढे १० बजे अनियन्त्रित जुयाः दुर्घटना जूगु खः। चालक बिसिउँ वंगु दु ।