ह्वीपया खँय् कोइरालाया आपत्ति
येँ (झीगु स्वनिगः)
नेपाली कांग्रेसया संसदीय दलया प्रमुख सचेतक लक्ष्मण प्रसाद घिमिरें संविधानसभाया म्याद थप यायेगु नितिं संविधान संशोधनया पक्षय् मतदान यायेत ह्वीप जारी याःगुयात कयाः कांग्रेसया सभापति सुशील कोइरालां आपत्ति प्वंकादीगु दु । म्हिगः सोमवाः थःगु हे निवासय् रिपोर्टस क्लबया ग्वसालय् जूगु साक्षात्कार ज्याझ्वलय् न्वंवासें वय्कलं अथे आपत्ति प्वंकादीगु खः । नेता कोइरालां संसदय् दर्ता याःगु म्याद थप प्रस्तावय् कांग्रेसया समर्थन मदु धयादिल । नेता कोइरालां संविधानसभाया म्याद थप यायेगु ? मयायेगु ? गुलि यायेगु ? धैगु खँ केन्द्रीय कार्यसमितिं निर्णय याइ धयादिसें १४ गते लिपा नेपाली कांग्रेसया नेतृत्वय् सरकार दयेकेमाः धकाः धयादिल ।
