कर्मचारीतय्त सितिकं मत मबिइत निर्देशन

येँ (झीगु स्वनिगः)

नेपाल विद्युत प्राधिकरणं प्राधिकरणया कर्मचारीतय्त सितिकं बियाः वयाच्वंगु विद्युत सुविधाः मबिइत अख्तियार दुरुपयोग अनुसन्धान आयोगं निर्देशन ब्यूगु दु । आयोगं सुयात नं सितकं विद्युत विइगु परिपाटी स्वच्छ व उचित मजूगु खँ न्ह्यथसें अज्वःगु सुविधा तत्काल हे दिकेत ऊर्जा मन्त्रालय, विद्युत प्राधिकरणयात म्हिगः सोमवाः निर्देशन ब्यूगु खः । प्राधिकरणं कर्मचारीतय्त वषर्ाया इलय् १२५ व हिउँदय् ७५ युनिट विजुली सितकं बियाः वयाच्वंगु खः । वंगु चैत्र ९ गते सरकारं घोषणा याःगु उर्जा संकटकाल ज्याभmवःयात तकं सुयात नं सुविधाय् विजुली आपूर्ति मयायेगु न्ह्यथनातःगु दु ।
व प्रावधानया अःखः प्राधिकरणं थः कर्मचारीतय्त सितकं बिजुली बियाः वयाच्वंगु खँ न्ह्यथसें अख्तियारं अथे निर्देशन ब्यूगु खः ।

अथे हे आयोगं विजुली खुयाः काइपिं मनूत व संस्थाया स्वंगू पुस्ता सार्वजनिक यायेत तकं निर्देशन ब्यूगु दु । थ्व हे चिकुलाया इलय् विद्युत आपूर्ति कम जुइगु अवस्थायात ध्यानय् तयाः बिजुली खुइगु ज्या नियन्त्रण यायेत नियमित अनुगमन यायेत नं निर्देशन ब्यूगु दु । विजुली खुयाः काइपिं मनू व संस्थाया स्वंगू पुश्ता सार्वजनिक यानाः माःगु कथं कारवाही न्ह्याकेत, पुलेमाःगु ध्यबा पुइकेत तकं अख्तियारं निर्देशन ब्यूगु खः ।