मुंज्या
सुधीर ख्वबि
मनूया विरूद्धय
भुस्या खिचातयेस
आपतकालीन मुज्या च्वना
खेद प्रस्ताब पारित यात |
थ्व मनूतयेसं
खिचात्वया न्ह्यथने बह:गु
वफादारी व इमान्दारितायात
नाला: मकासे
क्वेंया लागि ल्वाइगु चरित्र जक
नाला कयाच्वन |
उकिं
प्रतिलिपि अधिकार कार्यन्वयन
खिचात्वया हकहित व संरक्षणया
आव्ह्वान यासें
ज्ञापन पौ दुतिनेगु क्वजित |
तर , छगू न्ह्यस: अन ब्वलन
विवाद नेतृत्वया पिहां वल
थुकिया विरोधये
च्या:थाम्ह खिचा तटस्थ च्वन
हाकुम्ह खिचां मुंज्या त्वतल
सियुम्ह खिचां
नोट अफ डिसेन्ट च्वयेगु ख्याच्व: बिल |
खं मिले मजूसेंली
मुंज्या मेगु दिंस: लिछ्याना
सभा भवनं मुसुमुसु न्ह्युन्ह्युं सकलें पिहां वल |
थन्थाये जुइफु खिचातायेसं न
मनूया व्यबहार नाला : काल |
Related Stories
बिदा [चिबाखं] मतिनाया सवाः फेसबुक च्याट जितः स्यायेतः कुतःयाम्हसितः स्वांमाः क्वखायेकुगु इलय्... अस्तित्वया न्ह्यसःMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
