सुकीं संसदीय चुनावय् ब्वति काइगु
म्यानमारया प्रजातन्त्रवादी नेत्री आङसाङ सुकीं वइगु संसदया उपनिर्वाचनय् ब्वति काइगु जूगु दु । म्यानमारय् ताःहाकःगु इलंनिसें विखण्डित सुकीया पार्टी नेशनल लिग फर डेमोक्रेटिकं वइगु निर्वाचनय् उम्मेदवारी बिइगु निर्णय यायेवं वय्कलं नं निर्वाचनय् ब्वति कायेगु धयादीगु खः ।
नेशनल लिग फर डेमोक्रेटिकया प्रवक्ता न्यान विं सुकीं छु जिल्लापाखें प्रतिनिधित्व यायेत्यंगु खः उगु क्वःमछिउनीगु तर वय्कः निर्वाचनय् दनीगु धाःसा पक्का जूगु जानकारी एपी समाचार समितियात बिउगु खः । सन् २०१ या निर्वाचनय् सैनिक सरकारं सुकीयात हे लक्ष्य यानाः एनएलडी पार्टीयात चुनावय् उम्मेदवारी बिइत पंगु खः ।
म्यानमारय् छुं ई न्ह्यःया न्हूगु निर्वाचन नियम कथं निर्वाचनय् दर्ता याइगु छु नं पार्टीं संसदय् म्होतिं स्वंगू सिटय् ल्वायेमाः । म्यानमारय् च्वयेया सदनय् निसः व नीप्यम्ह दुजः जुइगु व क्वय्या सदनय् प्यसः व पीम्ह दइगु प्रावधान दु ।
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
