म्हय्पिइ पुलांगु सतःया न्हूधाः

येँ(सन्ध्या टाइम्स)/म्हय्पि संरक्षण तथा ब्यवस्थापन समितिया सक्रियताय् थन दुगु पुलांगु सतःयात परम्परागत शैलीं हे न्हूगु दयेकूगु दु। मूपाहां एकीकृत शहरी विकास केन्द्रया पुलांम्ह अध्यक्ष पद्मसुन्दर जोशीं अन निर्माण जुइगु थीथी ज्याया लागिं हापं बियादीपिं चन्दादाताया नां धलः उलेज्या यानादिसें थःपिंसं अन जुइगु विकास निर्माणय् प्राविधिक ज्याय् मदिकं ग्वाहालि यानाच्वनेगु बचं बियादिल। येँ महानगरपालिकाया पुलांम्ह मेयर केशव स्थापितं उगु न्हूधाः जूगु सतःया उलेज्या समारोह सुकुन्दा च्याकाः उलेज्या यानादिल। समितिया न्वकु प्रेमकाजी स्थापितं लसकुस यानाः न्ह्याकूगु सतः उलेज्या समारोहय् समितिया सचिव अमृत श्रेष्ठं उगु सतः दयेकेमाःगु खँयात कयाः कुलादिल। भौतिक योजना मन्त्रालयया सचिव तुल्सी सिटौलां नं न्ववानादीगु उगु ज्याझ्वः ब्यवस्थापन समितिया नायः अमीरकाजी स्थापितया सभापतित्वय् जूगु खः।