यलय् २५० म्ह आजुपिंत पञ्चदान

यल(सन्ध्या टाइम्स)/बुद्ध विहार संघ यलया ३६ क्वःगु दँमुँज्या नेपाःया निंतिं म्यान्मारया राजदूतं उलेज्या यासें न्ह्यात। ज्याझ्वः थनया ऐतिहासिक ओकुबहालय् जूगु खः।
ज्याझ्वःया आरम्भय् यलया झिंच्यागू बाहाः व झिंनिगू बहीया २५० म्ह आजुपिंत वसपोलपिनि परम्परागत पोशाकय् विराजमान यानाः पञ्चदान बीगु ज्या जूगु खः।
ज्याझ्वलय् यलयाम्ह हे सभासद लिसें अर्थमन्त्री वर्षमान पुन (अनन्त) मूपाहां कथं झाःगु खःसा पर्यटन तथा उड्डयन राज्य मन्त्री दिलीप महर्जन, संस्कृति राज्य मन्त्री सुष्मा शर्माया लिसें थीथी जातीय खलः पुचःया प्रतिनिधिपिनिगु नं उपस्थिति दुगु खः।