वर्ल्ड नेवाः अर्गनाइजेशनया पूवंगु कार्यसमिति
येँ (सन्ध्या टाइम्स)/वर्ल्ड नेवाः अर्गनाइजेशनया न्हूम्ह नायः डा. बालगोपाल श्रेष्ठं संस्थाया कार्यसमिति गठन यानादीगु दु। लण्डनय् क्वचाःगु न्हापांगु विश्व नेपाः मुनां डा. श्रेष्ठयात अर्गनाइजेशनया नायः ल्यःगु खः ।
आः दयेकूगु कार्यसमितिइ भाजु सत्यमोहन जोशीयात मू संरक्षक कथं ल्यःगु दु। अथे हे संरक्षक कथं प्रा. माणिकलाल श्रेष्ठ व पद्मरत्न तुलाधर च्वनादीगु दु ।
नायः डा. बालगोपाल श्रेष्ठया क्वय् स्वम्ह न्वकुपिं कृष्ण चखुं (बेलायत), दयारत्न शाक्य (अमेरिका) व सुवर्ण वज्राचार्य (जापान) च्वनादीगु दु। छ्यांज्ये नीलम प्रधानांग (अष्ट्रेलिया) च्वनादीगु दुसा छ्यांज्ये लिसें प्रवक्ता कथं सुभाषराम प्रजापति (अमेरिका) च्वनादीगु दु। दांभरि पदय् रेहाना वेस्टर श्रेष्ठ (जर्मनी) च्वनादीगु दु ।
दुजलय् अनिश मल्ल (चीन), डा. विजय सैंजू (नेपाः), भिक्षु विपशी (थाइल्याण्ड), गोविन्द श्रेष्ठ (क्यानाडा), कृष्णहरि महर्जन (द नेदरल्याण्ड), कृष्णप्रकाश श्रेष्ठ (रुस), नरोत्तम मानन्धर (डेनमार्क), रोजीना अवाले (बंगलादेश), डा. रोशन श्रेष्ठ (अमेरिका), सुचित्रबहादुर श्रेष्ठ (अमेरिका), डा. सुजन मल्ल (स्वीट्जरल्याण्ड), सुमित्रा प्रधान (फ्रान्स), सुरेन्द्र अमात्य (बेल्जियम), सुरेश वज्राचार्य (स्पेन) व स्वयम्भुधर तुलाधर (पोर्चुगल) च्वनादीगु दु ।
थुकिया नापं सल्लाहकार समिति, प्रकाशन समिति व जनसम्पर्क समिति नं गठन याःगु दु ।
