मिसापिनिगु नां मदुगुलिं राजदूत सुनुवाई मजुल

येँ(सन्ध्या टाइम्स)/सरकारं थीथी देय्या लागिं नेपाःया राजदूत नियुक्त यायेया निंतिं सिफारिस याःगु नांधखलय् छम्ह हे मिसाम्हेसिया नां दुमथ्याःगुलिं थौं सःतूगु संसदीय सुनुवाई विशेष समितिया बैठक स्थगित जुल। मिसापिनि नां सिफारिस मजूगु खँय् सभासद्तय्सं आलोचना याःगु दुसा थुकिं यानाः सहलह तकं मजुल।
सरकारं भारतया राजदूत दयेकेया निंतिं राम कार्की, चीनया निंतिं डा. महेश मास्के व संयुक्त अरब इमिरेट्सया निंतिं धनन्जय साहया नां सिफारिस याःगु खः। तर थुकी छम्ह हे मिसाम्ह दुमथ्याः धासें संसदीय सुनुवाई समितिं सिफारिस जूपिनि बारे तकं सहलह मयात। इमित आः मंसीर ९ गते सुनवाईया नितिं सःतूगु दु। नापं समितिं मिसापिनि नां सिफारिस मयाःगु खँय् सरकारया ध्यानाकर्षण यासें आवंलि समावेशी आधारय् नां सिफारिस यायेत निर्देशन बिउगु दु।