विश्व साहित्यय् नेपालभाषा साहित्य, पूर्ण वैद्यया ल: ल: ख:
नेपालभाषा साहित्य ख्यलय् गद्य कविया रुपय् स्थापित नां ख: पूर्ण वैद्य । खय्तला वय्क: छम्ह कवि जक मखसें छम्ह बांला:म्ह निबन्धकार नं ख: । अथेजूसां वय्क:यात उप्व:सिनं छम्ह गद्य कविया रुपय् म्हसीकेगु या: । वय्कलं ने.सं. १०८४ व ११०१ स नेपालभाषाया नांदंगु सिरपा श्रेष्ठ सिरपा त्याकादीगु ख: । अथेहे निबन्ध विधापाखे वय्कलं ठाकुरलाल सिरपा नं त्याकादीगु ख: । उखे खस नेपाली भाय्पाखें वय्कलं राष्टि्रय प्रतिभा पुरस्कार २०५३, साहित्य सन्ध्या पुरस्कार नापं यक्व सिरपा व हनापौ नं कयादी धुंकूगु दु । अथेहे प्रगतिशील लेखक संघं वि.सं. २०६३ सालय् वय्क:यात सम्मान पत्र नं ब्यूगु ख: । अथेहे सन् १९९६–१९९७ स वय्कलं सार्क मेरिट अवार्ड नं त्याकादीगु ख: । अथेहे ने.सं. १०९९ स विराट नेपालभाषा साहित्य गुथिं हनापौ देछागु ख: । मां देवकुमारी व अबु काजीबहादुर वैद्यया कोखं नेपाल संवत् १०६१ गुन्हुपुन्ही खुन्हु ख्वपया च्वछें त्वालय् वय्क:या जन्म जूगु ख: । वय्कलं ख्वपया श्री पद्म हाइस्कूलं एसएलसी पास यानादीगु ख: धा:सा त्रिचन्द्र क्याम्पसं आर्इए तत्कालीन नेशनल कलेज (थौंकन्हय्या शंकरदेव क्याम्पसं) बी.ए. यानादीगु ख:सा त्रिभुवन विश्वविद्यालय किपूपाखें एमए यानादीगु ख: । वय्कलं वि.सं. २०२२/२३ सालपाखे पद्मोदय स्कूलय् नेपालभाषा ब्वंका स्यनामि ज्या न्ह्याकादीगु ख:सा अनंलिपा पाटन संयुक्त क्याम्पसय् सह–प्राध्यापकया रुपय् स्यनामि जुया: ज्या यानादीगु ख: । पूर्ण वैद्यं सृजना यानादीगु नेवा: गद्य कविता विश्व साहित्यया स्तरया कविताया रुपय् नं कायेगु या: ।
लिपांगु इलय् सन् २००८ स अमेरिकां प्रकाशित् ल्याङवेज फर न्यू सेन्चुरी नांगु विश्व साहित्य मुना सफुतिइ वय्क:या 'ल: ल: ख:' नांगु कविता अनुवाद जुया: पिहाँ व:गु ख: । वय्कलं च्वयादीगु कविताया हरफयात पार्सड् इन्टु कलर्स ९एबचकभम ष्लतय ऋययिगचक० यात हे छ्यं बिया: थुगु सफूया निगूगु अध्याय सुरु यानात:गु दु । वय्कलं उत्तर कोरिया स्थापना जूगु ५० गू मुक्ति दिवसया लसताय् जूगु एशिया, अपि्रmका व ल्याटिन अमेरिकाया कवितय् दथुइ जूगु कविता प्रतियोगिताय् न्हाप जुया: सिरपा नं त्याकादीगु ख: । उगु कविता 'द सन साइन्स अल ओभर द वल्र्ड' धइगु सफुतिइ अंग्रेजी व कोरियन भासं पिदंगु ख: । अथेहे वय्क:या कविता हिन्दी, उदर्ू लगायत भासं नं अनुवाद जूगु दु । थुकथं पूर्ण वैद्यं नेपालभाषा साहित्ययात विश्वस्तरया साहित्य नाप तुलना याये फइगु थाय् दयेकादीगु दु । थ्व नेपालभाषा साहित्यया नितिं गौरवया खँ ख: । थन वय्क:या ल्हातिं हे च्वयात:गु अले सफूतिइ प्रकाशित जूगु व अँग्रेजीं अनुवाद जुया: पिहाँव:गु वय्क:या सफू 'ल: ल: ख:'या न्हापांगु कविता छपु न्ह्यब्वयाच्वना :–
कवि पूर्ण वैद्यया ल: व ख: व मेमेगु कविताया अनुवादक अमेरिकी कवि वेन एम्सिस ख: । पूर्ण वैद्यया कवितापाखें तसकं हे प्रभावित जुया: वय्कलं ल: व ख: लगायत मेमेगु कविता अंग्रेजी भासं अनुवाद यानादीगु खँ कनादीगु ख: । कवि वेनया कथं पूर्ण वैद्यया कविताय् छगू तत्वयात विम्वया रुपय् छ्यला: उकिया माध्यमं ब्वमिपिनिगु मनमस्तिष्कय् छगू ज: बीगु ज्या या:गु धका: कविताया समिक्षाय् च्वयादीगु दु ।
देशी–विदेशी समालोचकपिसं पूर्ण वैद्यया कवितायात स्तरीय साहित्यया रुपय् विवेचना यानावयाच्वंगु दु । वहेकथं वय्क:या ल: व ख: कविता नं अनुदित जुया: विश्वस्तरीय साहित्य सफुतिइ पिहाँव:गु ख: ।
News Location:
Related Stories
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
