संविधानसभाया खुला म्याद थप यायेगु प्रस्ताव संसदय् दर्ता

येँ (झीगु स्वनिगः)

सरकारं संविधानसभाया म्याद हाकनं खुला थप यायेगु नितिं अन्तरिम संविधान संशोनया नितिं संसद सचिवालय प्रस्ताव दर्ता याःगु दु । सरकारं दर्ता याःगु संविधानया ११ संशोनया विधेकय् धारा ६४ सं संशोधन यानाः संविधानसभाया म्याद खुला थप यायेत्यंगु खः । प्रमुख दलतय्गु दथुइ खुलाया म्याद थप यायेगु सैद्धान्तिक सहमति लिपा हे सरकारं अथे प्रस्ताव दर्ता याःगु खः धकाः भौतिक योजना तथा निर्माण मन्त्री हृदयेश त्रिपाठीं जानकारी बियादीगु दु ।

सरकारं दर्ता याःगु संविधान संशोधन विधेयक मंसिर ८ गते च्वनीगु संसदया मुँज्याय् न्ह्यब्वइ । दलतय्सं ८ गते हे प्रक्रिया चीहाकः यानाः संविधान संशोधन विधेधक पारित यायेगु तयारी याःगु दु । थ्व हे दथुइ प्रमुख प्रतिपक्ष दल नेपाली कांग्रेसं ८ गते संसदय् अनिवार्य रुपं उपस्थिति जुइत व प्रस्तावया पक्षय् मतदान यायेगु नितिं ह्वीप जारी तकं याये धुंकूगु दु ।