नेवा: कलाक:मि दबू नीस्वन
नेवा: देय् दबूया भातृ संगठन कथं नेवा: कलाक:मि दबू तदर्थ समिति नीस्वंगु दु । वंगु आइतवा: जूगु नेवा: कलाकारतय् छगू मुँज्यां नेवा: कलाक:मितय् उगु संस्था स्वंगु ख: । नेपाल नाट्यकला प्रतिष्ठानया प्राज्ञ रामकृष्ण दुवाल नाय: जुयादीगु नेवा: कलाक:मि दबूया ज्यासना पुचलय् शेषनारायण महर्जन व सविता मुनिकार न्वकु कथं च्वनादीगु दु । अथेहे छ्याञ्जे पदय् पवित्र कसा:, ल्यूछ्याञ्जे पदय् सुलिन्द्र शाक्य च्वनादीगु दुसा दांभरि पदय् रेवन्तलाल श्रेष्ठ च्वनादीगु दु ।
ज्यासना पुच: तदर्थ समितिया दुजलय् न्हुछेराजा मुनिकार, गोविन्द ह्यूमत, सूर्यनारायण महर्जन, सुदनमान मुनिकार व किरण महर्जन च्वनादीगु दु । नेवा: कलाकारतय् बाजं, म्येचँ, प्याखं व थीथी विधायात निरन्तर रुपं विश्वया न्ह्य:ने धस्वाका तयेगु ता: तया: थुगु समितिं हरेक प्याखं, म्येचँ व बाजंयात लिपिवद्ध यायेगु ज्या न्ह्याकेत्यंगु दु ।
लुमंकेबह:जू नेवा: जागरण मञ्चं समग्र कलाकार व संकिपाक:मिपिं छगू हे थासय् क:घाना: थनिं स्वदँ न्ह्य: बिजयरत्न असंबरेया नाय:सुइ नेवा: जागरण्ा संकिपा मञ्च गठन या:गु ख: ।
News Location:
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
