सुरेन्द्रया ड्रीम प्रोजेक्ट
नेपालभाषा संकिपा ख्य:या नितिं सुरेन्द्र तुलाधर म्हसीका बिया च्वने मा:गु नां मखये धुंकल । वय्कलं लिपांगु इलय् दयेकादीगु संकिपा 'जिगु मिखाया न्ह्य:ने' थीथी थासय् क्यनाच्वंगु दु धा:सा वय्क:या 'जिपिं बदमास मखु' लोकंह्वाये धुंकुगु दु । अथे हे छगू महत्वपुर्ण संकिपा 'अंश' पूर्णरुपं तयार जुइ धुंकूगु दु । थुगु इलय् वय्क:या ड्रीम प्रोजक्टकथं कयात:गु पानवती संकिपाया सुटिङ न्ह्यानाच्वंगु दु । नेपालभाषा न्हापांगु संकिपा 'सिलु' छपु लोकम्येय् आधारित ख: अथे हे मेगु: सेलुलोइड संकिपा राजमति नं 'राजमति' लोकम्येय् आधारित ख: । गनं थुगु संकिपा नं 'व छु गल्ली थ्व छ गल्ली मखंत्वा:या गल्ली रे पानवति मैंयां न्ह्यानाव:गु जंगीसेलया कलि रे' धा:गु म्येय् जक आधारित ख: ला धैगु खँय् स्पष्ट याना मदीनि । तर नां स्वयेबलय् थुगु संकिपा 'पानवति' म्ये नाप हे गनं स्वापू दु ला कि धइथें च्वनेफु । संकिपा सुटिङ न्ह्य:'पानवती' भिं साइटया झ्वलय् निदर्ेशक सुरेन्द्र तुलाधरं थुगु संकिपा न्हू पुस्ता व पुलां पुस्ता दथुर्इया वाखनय् दयेकेगु जुइ धका: धयादीगु ख: । थुगु संकिपा नेवा: संस्कृति तजिलजि नापं आधुनिक संस्कृतियात न्ह्यब्वयेगु कुत: जुइगु खँ नं निदर्ेशक तुलाधरं कनादीगु ख: ।
वय्क: छम्ह व्यवसायिक संकिपा निदर्ेशक जुयादीगु कारणं थुगु संकिपाय् थीथी मसला तया: न्हू पह:या संकिपा दयेकेगु कुत: याइगु खनेदु । थ्व झ्वलय छंु दिं न्ह्य: टोखाय् ४० किलोवाट लाइट च्याका: दवूया भव्य सेट दयेका: छपु म्ये सुटिङ यानादी धुंकूगु दु । थ्व म्येया नृत्य निदर्ेशन नांजा:म्ह निदर्ेशक भुवन श्रेष्ठं यानादीगु ख: । भव्य सेटया दथुइ १४ म्ह कालकारतय्सं ब्वति का:गु थुगु म्येया सुटिङ स्वयेबलय् 'पानवति' धयात: थें हे सुरेन्द्र तुलाधारया ड्रीम प्रोजेक्ट कथं ज्या जुयाच्वंगु खनेदु । संकिपा संकिपा थें च्वनेमा: धैगु धारणा तयादीम्ह निदर्ेशक तुलाधरया पानवति छगू कथंया रिमिक्स संकिपा जुइ फुगु अनुमान दु । थ्व इलय् रिमिक्स म्ये निसें कया फेशन तक हिट जुयाच्वंगु दु । अथे हे संकिपाय् नं वय्कल थुकथंया प्रयोग यायेत्यंगु जुइफु ।
'पानवती' संकिपाय् सनम शाक्य पानवतीया भूमिकाय् खने दइ । अथे हे नारायणदेवी प्रधान, हृदयप्रसाद मिश्र, महन्तलाल मल्ल, रामराजा भाम, भोगेन्द्र मानन्धर आदि कलाकारपिंस थुकी म्हितादी । थुगु संकिपाय् नेपालभाषाय् न्हापांखुसिइ छम्ह नेपा:या नांजा:म्ह मोडलं नाय:या भूमिका म्हितादी त्यंगु दु । वय्क: ख: – प्रविण श्रेष्ठ । वय्कलं यक्व खस म्यूजिक भिडियोस मोडल जुया: ज्या यानादी धुंकूगु दु । भलसा काये धयात:कथं हे 'पानवती' सुरेन्द्रया ड्रीम प्रोजेक्ट कथं पिहां वइ ।
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
