पर्यटन राज्यमन्त्री व महान्यायाधिवक्ता हन
किपू(सन्ध्या टाइम्स)/ नेवाः स्वायत्त राज्य मंकाः परिषद् किपूपाखें म्हिगः छगू ज्याझ्वःया दथुइ पर्यटन तथा नागरिक उड्डयन राज्यमन्त्री दिलीप महर्जन व महान्यायाधिवक्ता मुक्ति प्रधानयात हंगु दु।
नेवाः स्वायत्त राज्यया आन्दोलनय् निरन्तर योगदान यानादीपिं वय्कःपिंत किपूया थीथी खलः पुचः नापं संघ संगठनपाखें नं हनापौ लःल्हानाः हनेज्या याःगु खः। उगु समारोहय् सम्मानित जुयादीपिं निम्हेस्यां थःपिं नेवाः स्वायत्त राज्यया संघर्षय् अझ नं निरन्तर रुपं भूमिका म्हिता वनेगु जुइ धकाः बचं बियादीगु खः।
