सरकारय् दलाई लामाया शिष्य !

येँ(सन्ध्या टाइम्स)/मेगु महिनाय् हे नेपाः वयेत्यंम्ह चीनया प्रधानमन्त्री वेन जियाबाओ नेपालय् थःत गुम्ह प्रधानमन्त्रीं सःतूगु खः वयागु हे सरकारय् दुथ्याःम्ह छम्ह मन्त्री खनाः धाःसा चकित जुयाच्वंगु खँ सीदुगु दु। प्रम भट्टराईया वर्तमान सरकारय् राज्यमन्त्री कथं दुथ्याःम्ह सभासद् ओमप्रकाश यादव गुलजारी खनाः चिनियाँत झस्के जूगु खँ सूत्रं धाःगु दु। गुलजारीं थगुने तिनि भारतया धर्मशालाय् वनाः अन निर्वासित तिब्बती धर्मगुरु दलाई लामायात नापलानादीगु खः। धर्मं बौद्ध मखुसां नं लामाया धर्मशालाय् गुलजारी प्यन्हु च्वना वःगु खः। थुकियात चीनं अबलय् हे सशंकित रुपं स्वःगु खःसा वहे मनूयात आः राज्यमन्त्री समेत दयेकूगु खनाः चीन झस्के समेत जूगु खँ धाःगु दु।