लण्डनय् नेपाः राष्ट्रिय पार्टीया ज्याकू

येँ (सन्ध्या टाइम्स)/लण्डनय् च्वंपिं छपुचः सक्रिय नेवाःत जानाः नेपाः राष्ट्रिय पार्टीया लण्डन शाखा चायेकूगु दु।
विश्व नेवाः सम्मेलन क्वचायेवं थीथी देशय् च्वंपिं नेवाःतय्सं नेपाः पार्टीया मूछ्यांज्ये डा. विजय सैंजूयात स्वापू तसें नेपाः पार्टीयात ग्वाहालि यायेगु बारे सहलह ब्याकूगु खः। थ्वहे झ्वलय् पार्टीयात माःगु ग्वाहालि यायेगु व प्रचार यायेगु ताः तयाः लण्डनय् नेपाः पार्टीया ज्याकू निं चायेकेगु ज्या जूगु खः। ज्याकूया सम्पर्क व्यक्ति कथं सम्बन्ध शर्मां ज्या यानादीगु जूगु दु। भाजु शर्मालिसे sambandhasharma@gmail.com पाखे स्वापू तये फइगु खँ धाःगु दु।
थुगु ज्याकुथिं बेलायतय् नेपाः पार्टीया विकास, विस्तार व प्रचारया ज्या याइगु खँ मूछ्यांज्ये डा. सैंजूं कनादिल।