१०० करोड क्लवय् रा.वन

विश्वया हे चर्चित संकिपा उद्योग बलिउडय् लिपांगु इलय् पिहां व:गु संकिपा रा.वन बलिउडया नितिं हे छगू उदाहरणीय संकिपा जुइगु नाप यक्व धेवा: कमे यायेगु ज्या ता: ला:गु दु । रा.वन संकिपा आखिर १०० करोड भारु कमे यायेत ताला:गु दु । खय्‍तला थ्व संकिपा विचा: याना त:कथं बनेज्या: धा:सा याये मफु । बक्स अफिसया विशेषज्ञपिनि कथं थुगु संकिपां अपेक्षाकृत धेवा मुंके मफुगु खँ धा:गु ख: ।
रा.वन छगू विज्ञान साहित्य आधारित संकिपा ख: । मतिनाया संकिपा म्हिता: बलिउडय् स्थापित जूम्ह नाय: सुपरस्टार शाहरुख खान थनतक थ्यंका: छम्ह कअष्भलअभ ाष्अतष्यल या ाबलतबअथ जभचय या रुपय् खनेदुगु थुगु संकिपा प्रविधिया ल्याखं बलिउडया हे छगू उत्कृष्ट संकिपा रुपय् कायेछि । थुगु सँकिपाय् प्रयोग याना त:गु न्हून्हुगु प्रविधि खय्‍तला हलिउडया नितिं उलि त:धंगु मखु । तर बलिउड हलिउडया प्रविधियात हाथ्या बी कंथया संकिपाया रुपय् नं रा.वनयात कायेछिं । रा.वन शास्त्रीय बाखं व विज्ञान नाप स्वापू दुगु बाखंयात छगू कथं रिमिक्स याना: दयेका त:गु संकिपा ख: । संकिपाय् शाहरुख खान व करिना कपूर मू भुमिकाय दु धा:सा मोडेल नाय: अजर्ुन रामपाल खलपात्र जुया: दं व:गु दु । सामान्य स्वकुमितय् नितिं भिंडियो गेम थंे अनुभव जुइगु थुगु संकिपाय् हिन्दी संकिपा नितिं मा:गु यक्व मसलात नं प्रयोग यानात:गु दु । रा.वन संकिपा आैसत स्वया: बांला:गु बनेज्या या:गु दु । त:धंगु मेट्रो सिनेमाय् व भारत पिने रा.वनं बांला:गु बनेज्या या:गु दु धा:सा चिचिधंगु शहरय् थ्व उलि बनेज्या या:गु खनेमदु । सकिपा स्वैगु नं वर्ग दर्इ । गुगु वर्गं छु संकिपा स्वइ व निर्माता निदर्ेशकपिसं न्हापा हे विचा: याना: वये धंुकी । थथे हे थुगु संकिपा विशेष याना थौकन्हय्‍या भिडियो गेमप्रति रुची दुपि यक्व दर्शकतय्‍त लक्षित यानात:गु दु । उकिं थुकिया दर्शक न व हे वर्ग ख: तर अपेक्षाकृत रुप उगु दर्शक नं हलय् मव:गुलिं थुगु संकिपाया बनेज्या उलि याकन थाहाँ वनेमफुगु ख: । अन्त्यय् १०० करोड भारु कमे याना रेकर्ड तयेवं रा.वन सुपरहिट संकिपाया झ्‍वलय दं वनेत ता:ला:गु दु ।

More Stories Like this