फेसबुकं धोखा जुइफु

थौंकन्हय् मचांनिसें कया: बुर्‍हाबुर्‍हीतकं अतिकं लोकंह्‍वानाच्वंगु सामाजिक नेटवर्किङ फेसबुकं छित: छुं नं इलय् बदनाम यानाबी फु । थुकि छित: बांमलाक्क धोखा नं जुइफु । थुकिं फेसबुक प्रयोगकर्तापिं सचेत जुइमा:गु खनेदु ।

होशियार जुयादिसँ छित: म्हमस्यूपिं वा म्हस्यूपिं सुं नं फेशबुकया पासापिसं स्यंकेत स्वयाच्वंगु जकं मदुला ? 'फेसबुकं' तापाना वने धुंकूपिं यक्व पासापिन्त नाप लाका ब्यूगु दु । पासापिनि दथुइ पुच: दयेका: मंका: सन्देश प्रवाह यायेगु निसें कया: थीथी खँ कालबिल नं याये खनाच्वंगु दु । न्हून्हूपिं पासापिं दयेका: खँल्हाबल्हा यायेगु नापं न्हून्हूगु गतिविधि नं सयेकेसीके नं दयाच्वंगु दु । अले थ:के दुगु यक्व खँत पासापिनि दथुइ ब्वये नं खनाच्वंगु दु । थुकथं यक्व सकारात्मक खँ दया: नं फेसबुक दुने नं मचायेक आपराधिक खँत खनेदयाव:गु दु । थुकि फुक्क सचेत जुइमा:गु खनेदु ।

छुं न्हि न्ह्‍य: संकिपाक:मि, खेलकुद परिषदया वर्तमान सदस्य सचिव युवराज लामाया फेसबुकय् म्हमस्यूपिसं यौन समागमरत किपा: अपलोड याना तल हँ । थुकिं छगू र्इ ला पासापिनि दथुइ त:धंगु चर्चा नं जुल हँ । लिपा पासापिनि फोन वयेवं वय्‍कलं उगु किपा:त थ:गु पानां चीकादिल हँ ।

फेसबुकया यक्व केसत नं वयाच्वंगु दु । प्रहरी नापं फेसबुकया वालय् तयात:गु किपा:यात कया: उजुरी त: वयेगु व कारवाही यायेगु ज्या नापं जुयाच्वंगु दु । छुं न्हि न्ह्‍य: तिनि नुवाकोटया छम्ह मिसाया फेसबुकया वालय् वया हे यज्जुं अश्लील किपा:त अपलोड याना: तसकं मछिंका ब्यूगु ख: । निला न्ह्‍य:तक यज्जुनाप इहिपा याना: न्ह्‍यइपुगु जीवन हनेगु म्हगस खनाच्वंम्ह उम्ह मय्‍जुयात थुकथं सशस्त्र प्रहरीया सिपाही यज्जुं धोखा बिया: थथे अश्लील किपात अपलोड यानाब्यूगु ख: । थ: यज्जुं बेमान याना: थ:गु फेसबुकय्‍ थुकथं अश्लील किपा: अपलोड यात धका: व मिसां प्रहरी उजुरी बिल । लिपा प्रहरीं वया यज्जु प्रहरी जवानयात ज्वंगु ख: । सी दुकथं इपिं कला:भात थें च्वने नं धुंकूगु जुयाच्वन । अले विश्वासं पासवर्ड कालबिल या:गु जुयाच्वन । लिपा मिजंम्हेस्यां थ: यज्जुया पासवर्ड हे हिला: थुकथं अश्लील किपा: अपलोड या:गु जुयाच्वन । मिजं नं थ: यज्जुं त्व:तेत्यंगुलिं थुकथं म्वा:मदुगु खँ अपलोड या:गु खँ प्रहरीं जानकारी ब्यूगु दु ।

फेसबुक थौंकन्हय् उप्व: धइथें ल्याय्‍म्ह ल्यासेपिनि म्हाइपु छ्‍यायेगु नेटवर्क थें नं जुयाच्वंगु दु । उकिं थुगु वर्गया फेसबुकपाखें त:धंगु आकर्षण दु । थुकी आ: छेँज:पिसं नं स्वयेमा:गु लँ क्यनेमा:गु अवस्था पिहाँ व:गु दु । दण्डहीनतायात छाय् ब: बीगु ? ओखलढुंगाय् उज्जैन कुमार श्रेष्ठया हत्याया खँय्‍ सर्वोच्च अदालतं सजाय तोके यायेधुंकुम्ह माओवादी सभासद्‍ बालकृष्ण ढुंगेलयात माफी बीगु निर्णय, हत्याया आरोपी सूर्यमान दोङयात राज्यमन्त्री नियुक्ति या:गु अले २०६२–६३ या जनआन्दोलन दमन यायेत गोली कयेका: मनू स्या:म्ह दुर्जकुमार रार्इयात एआजी दयेकेगु हुनिं अथें हे दण्डहीनता अप्वयाच्वंगु नेपालय झनेहे दण्डहीनता अप्वइगु चिन्ता व्यापक रुपं उठे जूगु दु । एमाले युथफेार्सया पशर्ुराम बस्नेतया सवालय् दण्डीहनताया सवाल क्वलाये मलायेवं आ: हानं सरकारपाखें हे दण्डहीनतायात पश्रय बीगु ज्या अप्वयाच्वंगु खं सकसित चिन्तित यानाब्यूगु दु । नेपालय् फुपिसं फुगु यायेगु मफुपिं दबय् जुयाच्वनेमा:गु परिस्थिति याना: हे माओवादी विद्रोहलय् तच्व:गु जनसमर्थन प्राप्त जूगु ख: । लिपा वना: समाजय् अपराध याना: वहिस्कृत जुयाच्वंपिं मनूतसें नं माओवादीया प्रश्रय का: वन ।

थुकथंया प्रवृति तच्वल, तर पददलित मनूत ल्यूनेया ल्यूनेहे ला: वनाच्वंन । थ्व वहे समाजय् हाइँफाइँ क्यना: मेपिन्त दवे याइपिं मनूतसें क्यंगु करामतयात माओवादीं नं ल्ह्‍वनाव्यूगु ख: । तर थुथाय्‍तक थ्यंबलय्‍ सत्य व न्यायया पक्षय् स: बुलन्द जुयावयाच्वंगु दु । थुकिं छगू नं छगू निष्कर्ष पिथनीगु खनेदु । आ: राष्ट्रपति रामवरण यादवं नं मन्त्रिपरिषदं सिफारिश यायेधुंका: जिगु छंु लगे मजू धका: धायेगु लँपु नं मदइगु खनेदया च्वंगु दु । खतुं सेरेमोनियल राष्ट्रपतिया सिद्धान्त व संविधानकथं ला मन्त्रिपरिषद सिफारिसयात धायेवं राष्ट्रपतिं सदर यायेमा:गु वाध्याता ख: । कार्यकारी ला मन्त्रीपरिषद हे ख:, तर मन्त्रिपरिषद जनताया स:यात कदर मया:सा उकिया विकल्प न दये हे मा:गु जुयाच्वंगु दु । न्हापा जुजुं नं उकथं हे नागरिकता विधेयकयात ध्याक्वनय् त:गु ख: धा: सा थ्वहे राष्ट्रपतिया उपायधंगु कटुवाल काण्ड जुगु नं झीसं खँ हे खन । अथे जूगुलिं राष्ट्रपतियात नं विशेषाधिकार दयेमा:गु खनेदया व:गु दु । वरु राजनीतिक प्रकृतिया विशेषाधिकार मखसें थुकथंया हे विशेषाधिकार चाहिं बीमा: थें च्व । दण्डहीनतायात सरकारं हे प्रश्रय विल धइगु झीगु थ्व चर्चाया मामलाय् आ: छगू आर कि पार जुइमालाच्वंगु हे दु ।

More Stories Like this