हजय् वंपिं नेपाःमित म्ह मफत

येँ (झीगु स्वनिगः)

हजया नितिं साउदी अरबया मक्काय् वंपिं नेपाःमि यक्व हे मुस्मांत म्ह मफयाः वासः याये मालाच्वंगु दु । अनया थीथी अस्पतालय् तकं भर्ना यायेमाःगु अवस्था दुसा निम्ह गम्भीर अवस्था दु धाःगु दु । साउदी अरबया लकसं यानां सेखं चाइगु, ज्वरो वइगु, नुगःपा स्याइगु नापं दम ल्वचं थियाच्वंगु दु । सुं सुं मनूतय्त धाःसा अनया नुर अस्पतालय् तकं भर्ना याःगु दु ।