चीनया प्रम नेपाः भ्रमणय् वइगु
येँ (झीगु स्वनिगः)
चीनया प्रधानमन्त्री वेन जियावाओ वइगु पुष ५ गतेनिसें ७ गते तक नेपाः भ्रमण यानादीगु जूगु दु । जियावाओया भ्रमणं नेपालय् शान्ति प्रक्रिया पूवंकेगु नितिं ग्वहालि जुइगु नापं अन्तर्राष्ट्रिय शक्ति सन्तुलन जुइ धकाः मनूतय्सं तिप्पणी यानाहःगु दु । विशेष यानाः भारतं नेपाःया राजनीतिइ हस्तक्षेप यानाच्वन धकाः खँ वयाच्वंगु अवस्थाय् चीनया प्रधानमन्त्री नेपाः भ्रमणय् वइगु धैगु शक्ति सन्तुलनया ल्याखं बांलाःगु ज्या जुइ धकाः नं मनूतय्सं धयाहःगु दु । चिनियाँ प्रधानमन्त्री जियावाओया भ्रमण चिनियाँ पक्षया १० दँ दुनेया दक्ले उच्चस्तरया भ्रमण जुइ । अथे हे भारतया प्रधानमन्त्री मनमोहन सिंह नं वइगु मार्च महिनाय् नेपाः भ्रमणय् वइगु जूगु दु ।
