नेपाः पार्टीया विरोध

येँ(सन्ध्या टाइम्स)/नेपाः राष्ट्रिय पार्टीं म्हिगः छगू प्रेस विज्ञप्ति पिकासें सर्वोच्च अदालतं सर्वस्व सहित जन्म कैदया सजायँ न्यंकूम्ह माओवादी सभासद् बालकृष्ण ढुंगेलयात आम माफी बीत सरकारं याःगु सिफारिसया विरोध याःगु दु। पार्टी प्रवक्ता किरण शाक्यं पिथंगु विज्ञप्तिइ हत्याया घटनायात राजनैतिक आवरण बियाः आम माफी बीगु सरकारी निर्णयं कानुनी शासन, मानवअधिकारया उल्लंघन जक मखु राज्यं हे दण्डहिनतायात प्रश्रय बीगु ज्या समेत जूवंगु दु धासें सिफारिस लित कायेत इनाप यानातःगु दु।