थौं नं बैठक

येँ(सन्ध्या टाइम्स)/एकीकृत माओवादी केन्द्रीय कमिटीया बैठक थौं नं च्वनीगु जूगु दु। म्हिगःया बैठकय् वरिष्ठ उपाध्यक्ष मोहन बैद्य किरणं न्हापा हे सार्वजनिक जुइधुंकूगु झिगू नापं थप स्वंगू यानाः झिंस्वंगू बुँदाया असहमति प्रस्ताव तःगु खः। उगु प्रस्तावय् राज्य पुनर्संरचनाया नितिं विज्ञ पुचः दयेके मजिउगु, पार्टीया अध्यक्ष प्रचण्ड पार्टीइ सहलह मब्याकुसे लुम्बिनीया नितिं विदेश भ्रमणय् जूगु नापं ७ बुँदाया सहमतिइ द्वन्द्वकालया फुक्क मुद्दा लित कायेगु खँ उल्लेख मयाःगु खँय् आपत्ति प्वंकूगु खः। थौं च्वनीगु बैठकय् उगु असहमतिया बुँदायात कयाः सहलह जुइ धाःगु दु।