बेपत्ता जुयाच्वंपिं निम्हतिपू सिनाच्वंगु लुल

येँ(सन्ध्या टाइम्स)/न्यान्हु न्ह्यवंनिसें बेपत्ता जुयाच्वंपिं प्युठान दकखक्वाडी ९ या निम्हतिपू अनया माडी खुसि सिथय् सिनाच्वंगु अवस्थाय् लूगु दु।
इपिं निम्हेसितं जँय् चिनातःगु अवस्थाय् लूगु खँ प्रहरी सहायक निरीक्षक रामबहादुर महरां कनादीगु दु।
वंगु विहिवाःनिसें बेपत्ता जुयाच्वंम्ह ६० दँया नेत्रबहादुर खत्री व ५५ दँया गौरी खत्री रम्दीया चेरनेटा लागाय् च्वंगु माडी खुसि सिथय् सिनाच्वंगु अवस्थाय् लुयावःगु खः। जँय् चिनातःगुलिं उमित सुनां स्यानाः अन वांछ्वया तःगु जुइमाः धइगु अनुमान यासें प्रहरीं घटनाया अनुसन्धान न्ह्याकूगु खँ सीदुगु दु।