अक्षय कुमार येँय् थ्यन
येँ(सन्ध्या टाइम्स) हिन्दीफिल्मया लोकंह्वाःम्ह कलाकार अक्षय कुमार थौंकन्हय् नेपालय् हे दु। भारतया टेलिभिजनय् 'खतरों के खिलाडि' नांयागु जोखिमं जाःगु रियालिटी शो न्ह्याका वयाच्वंम्ह अक्षयकुमार नेपालय् वःगुया मू कारण नं थ्व हे रियालिटी शो खः धाःगु दु। शुक्रवाः येँय् थ्यंकः वःम्ह वय्कः हायात होटेलय् च्वनाच्वंगु दु। थन च्वनाजःछि वय्कलं नेपालय् बन्जी जम्प व रिभर र्याफ्टिंय् 'खतरों के खिलाडि'या कासा न्ह्याकेगु सम्भव्यता अध्ययन यानादी। थ्व हे झ्वलय् वय्कः भोटे कोशीया बन्जी जम्प व त्रिशुली खुसिया र्याफ्टिंग एरिया स्वःवनीगु ग्वसाः दु। तर वनीगु तिथि व ई धाःसा गोप्य यानातःगु दु। वय्कःयात मिडिया तकं नापलाके मबीगु ग्वसाः दुगुलिं होटेल जःखः मिडिया निषेध यानातःगु दु।
