स्वम्ह नेतातय्गु सहमति
येँ (झीगु स्वनिगः)
कार्तिक १५ गते चान्हय् याःगु ७ बुँदाया सहमतिप्रति एकीकृत माओवादीया बरिष्ठ नेता मोहन बैद्य किरण, मूछ्याञ्जे रामबहादुर थापा बादल लगायत नेतातय्सं पार्टीया मुँज्यांनिसें सतकय् तकं विरोध यानाच्वंगु दयेक दयेकं हाकनं म्हिगः सोमवाः च्वंगु स्वंगू दलया शीर्ष नेतातय्गु मुँज्यां सहमति कार्यान्वयन यायेगु धकाः निर्णय याःगु दु । प्रधानमन्त्री डा. बाबुराम भट्टराईया कुतलय् स्वंगू दलया शीर्ष नेतातय्गु मुँज्याय् अथे निर्णय याःगु खः ।
