खुसि हीकेगु बारे प्रहरी चौकीइ वार्ता

थिमि(सन्ध्या टाइम्स)/ नगदेश व गोठाटारया सीमाय् लाःगु मनहरा खुसि हीकेगु विषययात कयाः निगुलिं थाय्या स्थानीयवासीतय् विवाद ज्यंकेत कन्हय् थिमिया प्रहरी चौकीइ वार्ता यायेत्यंगु दु। म्हिगः येँया सीडीओ ज्याकुथी जूगु वार्ताय् निगुलिं पक्षं थःथःगु अडान तःगुलिं सहमति जुइ मफयाः कन्हय् हानं वार्ता यायेत्यंगु खः। मनहरा खुसिइ ताँ दयेकेत्यंगु इलय् गोठाटारया स्थानीय मनूतय्सं खुसि हीकेगु कुतः यायेवं ल्वापु पिदंगु खः।