आः तकया दक्ले तःधंगु मन्त्री मण्डल जुल
येँ (झीगु स्वनिगः)
प्रधानमन्त्री डा. बाबुराम भट्टराईं नं आः तकया हे दक्ले तःधंगु मन्त्री मण्डल गठन यानादीगु दु । म्हिगः आइतवाः मेपिं प्यम्ह राज्य मन्त्रीतय्त सपथ नकाः मन्त्रीतय्गु ल्याः ४९ म्ह थ्यंकूगु दु । म्हिगः प्रधानमन्त्रीया कार्यालय् सिंहदरवारय् प्यम्ह न्हूपिं राज्य मन्त्रीतय्त सपथ ग्रहण याकादीगु खः । न्हूपिं राज्य मन्त्रीइ ओमप्रकाश यादव -कृषि) खोवरी राय यादव -उद्योग), सरिता कुमारी साह -संचार) राज्य मन्त्रीइ सपथ ग्रहण याकादीगु खः । छुं दिं न्ह्यः महिला राज्य मन्त्री जूम्ह अरविन्द साहयात नं सपथ ग्रहण याकूगु खः ।
न्हापा शेरबहादुर देउवा प्रधानमन्त्री जुयादीगु इलय् वय्कलं ४८ म्ह मन्त्रीत थ्यंगु खः । आः प्रधानमन्त्री डा. बाबुराम भट्टराई नेपाःया इतिहासय् हे दक्ले तःधंगु मन्त्री मण्डल दयेका रेकर्ड तःगु दु ।
