पुखुलिइ डुबेजुयाः नरदेवीया निम्ह मन्त

येँ (झीगु स्वनिगः)

येँ महानगरपालिका वडा नं. १९ न्यत अजिमाया छेँ जःपिं येँया सितापाइला लागाय् पिकनिक वंगु इलय् पुखुलिइ म्हितूगु इलय् पुखुलिइ निम्ह नेवाःत सीगु दु । थ्व घटना म्हिगः शनिवाः जूगु खः । सितापाइला गाविस वडा नं. ५ या आँधेश्वर लागाया पुखुलिइ लालकयाः म्हितूगु इलय् निम्ह नच्चापिं ल्याय्म्हत सीगु खः । उगु घटनाय् वलानाः नरदेवीया १४ दँ दुम्ह सतिश श्रेष्ठ व आशिष श्रेष्ठ खः धकाः प्रहरीं धाःगु दु । इपिं मस्त अनया आँधेश्वरय् च्वंगु थापा स्टोन ढुंगाखानीया पुखुलिइ म्हितूगु इलय् अथे घटना जूगु खः । स्थानीय मनूतय्सं दुर्घटना जूगु उगु लागाय् खानीइ गाः जुयाच्वंगु थासय् लः मुनाः पुखूथें जुयाच्वंगु थाय् खः धाःगु दु ।