अचाकलि [चिबाखं]
सौरभ शाक्य
"छ वनेसा हुँ ,तर छंगू प्वाथय् च्वंम्ह मचा बुइकातिनि हुँ " भाःतम्ह्सिनं अमेरिकाय् वनेगु डि.भि लाम्ह कलाः यात धाल ।
"समिर छं मस्युगु मखु डि.भि लाके धइगु तसकं थाकू , जितःलात भाग्यं , थ्व भाग्ययत जिं सितिं छवये मखु । मचात धइपिं मेगु सालय् दयेकेज्यु , छ, व जि दतलय् , हलय् छम्ह दँलय् छम्ह दयेकेज्यु । छंन्त जिं अमेरिकाय् सतय्.."....अले बिनिताया सः क्वातुतुं वन ।
समिरया मयःमयःकनं बिनितां एर्बोसन यात ।
एर्बोसनं कुहाँवःम्ह मचा डाक्टरया अपुष्ट खँग्वलं धइच्वन काय् हे....।
समिरं ताहाकःझसूका तल । मिखालय् जायावःगु ख्वबि सुल्ल म्हुतुइ लात । बिनिताया चकं ख्वाः स्वःस्वं म्हूतुइ लाःगु खाइगु ई थूक यात समिरं वँय् ।
निम्ह त्यपूं अमेरिकाय् आः । निम्ह् त्यपूं हिइचाइच्वन प्वाथय् गर्भ मच्वंगुलिं । प्यला छु च्वनी अथें हे कुहाँवइ । कुहाँमवःगु गुलि इन्जेक्सन काल , दुसाँनिसें डाक्टरया सल्हां गुलि बेडं हे कुहाँ मवसेंच्वन , अहँ छुं लगे मजु । डाक्टरत हिला हिला क्यनाच्वनी, इमिसं धात्थें यानाच्वनी, छुं हे लगे मजु, छु यायेगु, गुगु यायेगु..साब हे फसाद...। आःला डाक्टरतयसं नं सल्हाः बिया हये धुंकलर गात ! आः शरिर स्यनी, उकिं धर्मपुत्र का '
इमिसं आःत्यपू जीवन अचाकलिं दाःगु तायेकाच्वन अमेरिकाय् च्वना ।
Related Stories
गधा [ ध्याचु ] राजनिति मसिउम्ह काय् थथे नं जुइयः [ ध्याचु ]More Stories Like this
बाखं च्वये मखुनी परिवेश (मुक्तक बाखं) बायावंगु लँपु हेँग्वाः जूम्ह मनू ब्लू-डल बाखं ब्वनेधुंकाः
