'न्हापाया इतिहासयात आत्मसाथ यानाः आः न्हूगु इतिहास दयेकेमाः'

नेवाः स्वायत्त राज्य मंकाः संघर्ष समितिया सचिवालय कजि मल्ल के. सुन्दरं नेवाःतय्सं थःगु इतिहासया गौरवया खँ जक मल्हासें इतिहासयात आत्मसाथ नं यायेफयेमाःगु खँ धयादीगु दु ।

नेपाल सम्वत् ११३२ न्हूदँया लसताय् तण्डुकार समाजया शनिवाः ग्वसाःग्वःगु भिंतुना कालविल व तुच्चा ज्याझ्वःलय् मूपाहाँ मल्लं नेवाःतय् इतिहासयात आत्मसाथ यानाः न्हूगु इतिहास दयेकेमाःगु खँय् बः बियादिल । वय्कलं धयादिल, 'नेवाःतय् पहिचान, अस्तित्व नापं खुसः नं खुसयात म्हसिकेगु निंतिं नेवाः स्वयात्त राज्य महसें मगाः ।'

तण्डुकार समाजया नायः भाजु मदन तण्डुकारया नायःसुइ जूगु ज्याझ्वःलय् डा. चुन्दा वज्राचार्यं नेपालय् ५१ प्रतिशतसिवें अप्व मिसात दुगलिं उगु कथंहे मिसातय्त नेतृत्वदायी भूमिका द्येमाःगु धायादिल । अथेहे नेवाः देय् दबूया नायः नरेश ताम्राकारं मिसा बाहुल्यताया खँ ल्हाइबलय् हान मिसा ब्राम्हणवाद जक वइगु जुया मिसा बहुल्यता जक मधासें नेवाः मिसात सहित समावेसीय नेतृत्वदायी भूमिका दयेमाःगु धायादिल । अथेहे ज्याझ्वःलय् पवित्र वज्राचार्य, चित्रमान ड‌ंगोल, तीर्थ नारायण माली, मोहन बहादुर महर्जन, मंगल महर्जन लगायतं नं थःथःगु नुगः खँ तयादिगु खः ।

उगु मुँज्यां भाजु मदनप्रसाद तण्डुकारया अध्यक्षयताय् ज्यासना पुचः निंस्वंगु दु । न्हूगु ज्यासना पुचःया न्वकु गोपाल तण्डुकार, जेन तण्डुकार मु छ्याञ्जे नरेन्द्र बहादुर तण्डुकार छ्यान्जे विष्णु लाल तण्डुकार कोषाध्यक्ष अर्जुन तण्डुकार सह कोषाध्यक्ष नजरमान तण्डुकार च्वनादीगु दु । अथेहे दुजलय् जकन लाल तण्डुकार, विनोद तण्डुकार, गोपाल तण्डुकार, नाराणय तण्डुकार, केशव तण्डुकार, मन्दीरा तण्डुकार, किरण तण्डुकार, रबि बुद्धी तण्डुकार, मोहनकृष्ण तण्डुकार, कृष्णा देवी तण्डुकार, व चिरञ्जीवी तण्डुकार च्वनादीगु दु ।

More Stories Like this