हनेबहःम्ह राज्यमन्त्री दिलीप महर्जन लिसे 'लकस' ज्याझ्वः [अडियो]

भाषा साहित्य व संस्कृतिया सः नेपालभाषा एकेदमिया न्ह्यब्वया नेवाः एफ.एम. सच्छि व खु फुति खु मेगाहर्जया लागि संचार नेपालया न्ह्यब्वया 'लबु' ज्याझ्वः दुने न्हियांन्हिथं सुथसिया ७:३० ताः इलंनिसें ८:०० ताः ई तक न्ह्याइगु ज्याझ्वः ख: 'लकस' । थुगु ज्याझ्वः समसामयिक विषययात कःघाना व विषयनाप स्वापू दुम्ह पाहाँलिसेया खँल्हाबल्हा न्ह्यब्वयेगु खः ।

शनिवाःपतिकंया थुगु 'लकस' ज्याझ्वः नेवाःतय् राष्ट्रिय संगठन 'नेवाः देय् दबू'या प्रायोजनय् न्ह्याइगु खःसा थुकी नेवाःतय्गु हक, अधिकार व नेवाः जागरणया बारे दुवालेगु जुइ ।

थौंया थुगु 'लकस' ज्याझ्वलय् नकतिनि नेपाल सरकारया पर्यटन तथा नागरिक उड्डयन राज्यमन्त्री नियुक्त जुयादीम्ह हनेबहःम्ह दिलीप महर्जन पाहाँ कथं झायादीगु खः ।

भाजु न्हुच्छेकाजी महर्जनजुं न्ह्याकादीगु थुगु ज्याझ्वः पूवंक न्यनेत क्वय्च्वंगु प्लियरय् क्लिक यानादिसँ ।

More Stories Like this