भारतीय प्रम नेपाः वयेत इच्छुक
येँ(सन्ध्या टाइम्स)/दक्षिण एसियाली क्षेत्रीय सहयोग संगठन (सार्क) सम्मेलनय् ब्वति काः वंम्ह प्रधानमन्त्री डा. बाबुराम भट्टराईं थौं सुथय् माल्दिभ्सय् भारतीय प्रधानमन्त्री डा. मनमोहन सिंहयात नापलानादिल।
उगु इलय् प्रम भट्टराईनं डा. सिंहयात नेपाः भ्रमणया लागिं बियादीगु ब्वनायात वय्कलं स्वीकार यानादीगु दु। नेपाः भ्रमण बारे भारतीय प्रमं सकारात्मक लिसः बियादीगु खँ प्रमया सहयोगी विश्वदीप पाण्डें कनादिल।
निम्ह प्रधानमन्त्री दथुइ नेपालय् लिपांगु इलय् विकसित जूगु घटनाक्रम बारे नं खँल्हाबल्हा जूगु खः। लिसें झापा व मोरङया शिविरय् च्वनाच्वंपिं भुटानी शरणार्थीतय्त थःगु देश लित छ्वयेगु बारे नं सहलह ब्याकूगु खः।
