डोटीइ जीप कुतुं वनाः प्यम्ह यात्रु सित

येँ(सन्ध्या टाइम्स)/डडेलधुरां धनगढीपाखे वनाच्वंगु छगः जीप डोटीया भीमदत्त पन्त राजमार्ग अन्तर्गतया रुबसकाँडाय् दुर्घटना जुयाः प्यम्ह मनू सीगु दु। से. १ ज ३४१ नम्बरया उगु जीप वंगु चान्हय् हे कुतुं वंगु खःसां प्रहरीं धाःसा थौं सुथय् १० बजे तिनि सिउगु खः। घटनास्थलय् थ्यंम्ह प्रहरी हवल्दार लक्ष्मीराज जोशीं उगु दुर्घटनाय् लानाः निम्ह मिसा व निम्ह मिजं सीधुंकूगु खँ धाःगु दु। दुर्घटनाय् लानाः सीपिनिगु सनाखत धाःसा जूगु मदुनि। जीप लं स्वयां ७०० मिटर क्वय् भिरय् कुतुंवंगु खः। उद्धार यायेत अन प्रहरी व स्थानीयवासी थ्यंकेधुंकूगु दु।