संविधान निर्माणया निंतिं देय् दबूया अन्तर्क्रिया
येँ (सन्ध्या टाइम्स)/नेवाः देय् दबूया ग्वसालय् म्हिगः "सहभागीमूलक संविधान निर्माणया लागि निर्वाचन क्षेत्र स्तरीय संवाद" ज्याझ्वः जुल। थनया निर्वाचन क्षेत्र नं. ५ स्थित विशाल मिलन केन्द्रय् जूगु उगु ज्याझ्वलय् सभासद्पिं नेपाली कांग्रेसया रमा गुरागाईं, नरहरि आचार्य, ए.नेकपा (माओवादी)या नारायण शर्मा, पौडेल, नेकपा एमालेया शान्ति अधिकारीपिं उपस्थित जुयादीगु खः ।
ग्वसाः खलःया नायः नरेश ताम्राकारया सभापतित्वय् जूगु उगु ज्याझ्वलय् रुकमणी महर्जनं 'संविधान निर्माण प्रक्रिया झीगु सरोकार' विषयक कार्यपत्र न्ह्यब्वयादीगु खः।यू.एन.डी.पी. या ग्वाहालिइ जूगु उगु ज्याझ्वलय् थीथी संघ संस्थाया दुजः, बुद्धिजीवी व स्थानीय जनतां तःगु न्ह्यसःया लिसः सभासद्पिंसं बियादीगु खः ।
