न्ह्यगू बुँदे धरापय्

जग्गा लित बीगु ज्या प्रतिगामी

येँ (झीगु स्वनिगः)

सत्ताया नितिं पार्टीया पूर्व निर्णययात ध्याक्वय् वांछ्वयाः न्ह्यःने वंगु मधेशी मोर्चा नाप याःगु न्ह्यगू बुादे सहमति धरापय् लाइगु जूगु दु । जनयुद्ध कालय् कब्जाय् कयातःगु छेा बुात प्रधानमन्त्री डा. बाबुराम भट्टराईं जग्गा लित बीगु आव्हाण लिपा हालैतिनि एकीकृत नेकपा माओवादीया नायः पुष्पकमल दाहाल प्रचण्डं नापं पार्टीया निर्णय विपरित अले पार्टी पद्धतिया अःखः कयातःगु छेा बुा लितबीगु सर्कुलर पिकायेवं समस्या न्ह्यःनेवःगु खः । तर माओवादी पार्टीया वरिष्ठ न्वकु मोहन वैद्य किरण समूहं धाःसा न्ह्यगू बुादे सहमतिइ न्ह्यःथनातःगु सम्पत्ति लितबीगु खाय् तःधंगु आपत्ति यासें माओवादीया कब्जाय् लानाच्वंगु जग्गा जमिन छुं नं हालतय् लित मबीगु धयादीगु दु ।

थुकिं यानाः न्ह्यगू बुादे सहमति नापं छ्यलाबुलाय् मवसे धरापय् लाइगु अवस्था ब्वलंगु दु । जग्गा लितबी न्ह्यः सुकुम्बासी व भूमिहीन किसानतय्गु अवस्था छु जुइ ? इमिगु नितिं छु गुकथं व्यवस्थापन यायेगु ? धयागु न्ह्यसःया लिसः हे मब्युसे अर्थात उचित व्यवस्थापन मयासे जग्गा जमिन लित बीफैगु अवस्था मदु । क्रान्तिकारी भूमिसुधार नं लागू जुइगु लाकि मजुइगु ? थ्व व थुज्वःगु खाया निर्णय लिपा जक भूमि लित बीगु पाखे वनेगु उचित जुइ । तर पार्टीया नायः प्रचण्ड व प्रधानमन्त्री डा. भट्टराईं थुखेपाखे छुं हे बिचाः तकं मयासे मात्रै जग्गा लित बीगु खा हयाः पार्टीया निर्णय विपरित हचुवाया भरय् वंगु खाय् मनूतय्सं न्ह्यसः थनेगु यानाहःगु दु । जग्गा लितबीगु खायात कयाः नं वइगु २७ गते च्वनीगु केन्द्रीय समितिया बैठकय् नं सहलह जुइगु धाःगु दु ।